کیا آئزہ خان بھی اپنا برینڈ لانچ کرنے جا رہی ہیں ؟‌

اداکارہ آئزہ خان جن کے کریڈٹ پر پیارے افضل اور میرے پاس تم جیسے ڈرامے ہیں انہوں نے حال ہی میں ایک انٹرویو میں کہا ہے کہ مجھے اداکاری کرنے کا جنون ہے اسی لئے میں آپ سب کو صرف اداکاری کرتی ہوئی دکھائی دیتی ہوں، ان سے جب سوال ہوا کہ تمام سلیبرٹیز پرفیوم ،برینڈز لانچ کررہے ہیں آپ ایسا کب کرنے جا رہی ہیں تو آئزہ خان نے کہا کہ میرا ایسا کوئی ارادہ نہیں ہے، میرا اگر ایسا ارادہ ہوتا تو یقینا کر چکی ہوتی. میرا فی الحال فوکس اداکاری پر ہے اور میں اداکاری ہی کرتی رہوں گی. انہوں نے کہا کہ جو لوگ اپنے نام سے برینڈز

متعارف کروا رہے ہیں میں‌ان کے خلاف نہیں ہوں‌ہر کسی کو حق ہے کہ وہ وہی کرے جو اسکا دل چاہتا ہے. آئزہ خان نے کہا کہ مجھے ابھی تک میرا وہ تمام کام پسند ہے جو میں‌نے کیا ہے، میں نے ہمیشہ کوشش کی ہے کہ میں مختلف کردار کروں تاکہ میرے مداح میرے کام سے بور نہ جائیں اکتا نہ جائیں.انہوں نے کہا کہ میرا نیا پراجیکٹ جس کے لئے میں بہت زیاہد پرجوش ہوں اس سے بھی شائقین لطف اندوز ہوں‌گے.