انسداد دھشتگردی عدالت پشاور میں 9 اور 10 مئی کو نامزد پی ٹی آئی سابق مشیر قانون عارف یوسفزئی کی عبوری ضمانت کے درخواست پر سماعت ہوئی ، سماعت ای ٹی سی جج ڈاکٹر عامر نظیر نے کی،عدالت نے سابق مشیر قانون کے عبوری ضمانت میں 17 جون تک توسیع کر دی، ملزم پر تھوڑ پھوڑ اور جلاؤ گھیراؤ کے دوران نجی اور سرکاری املاک کو نقصان پہنچانے کا الزام ہے، جس کے خلاف تھانہ خان رازق میں مقدمہ درج ہے،دوسری جانب 9 اور 10 مئی واقعات میں تھوڑ کے الزام میں گرفتار ملزم عبد الرحمان کو عدالت میں پیش کیا گیا،
تفتیشی افسر کے مطابق ملزم پر 9 اور 10 مئی کو تھوڑ پھوڑ اور جلاؤ گھیراؤ کا الزام ہےلہذا ملزم سے تفتیش کی ضرورت ہے، تفتیشی افسر نے استدعا کی ملزم کو جسمانی ریمانڈ پر پولیس کے حوالے کیا جائے، عدالت نے جسمانی ریمانڈ کی استدعا منظور کرتے ہوئے ملزم کو ایک روزہ جسمانی ریمانڈ پر پولیس کے حوالے کردیا،
Leave a reply
