کل سوشل میڈیا پر سارا دن ایک ٹرینڈ چلتا رہا کہ ” بزدار ہٹاٶ پنجاب بچاٶ ” ۔ یہ ٹرینڈ Pti کارکنان کی طرف سے شروع کیا گیا تھا ۔ اور اس میں لوگوں نے وزیر اعلی پنجاب عثمان بزدار پر کافی غم و غصہ کا اظہار کیا ہے اور وزیر اعظم عمران خان سے اپیل کی ہے کہ وہ عثمان بزدار کو وزیر اعلی پنجاب کے عہدے سے ہٹاٸیں اور ان کی جگہ کسی اور تجربہ کار شخصیت کے ہاتھ میں پنجاب کی وزارت اعلی دی جاٸے ۔ اس ٹرینڈ میں باقی پارٹیوں کی طرح pti کارکنان نے بھی بھرپور حصہ لیا ۔ اس ٹرینڈ کی خاص وجہ پنجاب پولیس کے ہاتھوں ایک ذہنی مریض صلاح الدین کی درد ناک موت ہے ۔ صلاح الدین جو کہ ذہنی معذور تھا ۔ اس نے ایک atm مشین توڑی تھی جس کے بدلے دوران تفتیش پنجاب پولیس نے صلاح الدین کو تشدد کا نشانہ بناتے ہوٸے موت کے گھاٹ اتار دیا ۔ صلاح الدین کی جسمانی حالت سے صاف پتہ چل رہا تھا کہ اسے دوران تفتیش کس اذیت سے گزار کر موت کے گھاٹ اتارا گیا ہے ۔ لوگ جو پہلے ہی پنجاب پولیس کی کاروٸیوں سے غیر مطمن تھے انہوں نے وزیر اعلی پنجاب سے استعفی کا مطالبہ کر دیا ہے ۔ لوگوں کا کہنا تھا کہ ہم نے pti کو ووٹ اس لیے دٸیے تھے تاکہ ہمارے ادارے راہ راست پر آ سکیں ۔ لوگوں نے وزیر اعظم عمران خان سے اپیل کی ہے کہ وزیر اعلی پنجاب عثمان بزدار پنجاب میں کسی ادارے کو بہتر نہیں بنا سکے خاص طور پر پولیس کے ادارے میں کوٸی بھی اچھی تبدیلی دیکھنے کو نہیں ملی لہذا وزیر اعلی عثمان بزدار کو ان کی وزارت سے فوری طور پر مستعفی کیا جاٸے ۔ لوگوں کا یہ بھی کہنا ہے کہ تمام اداروں خاص طور پر پنجاب پولیس کی آج بھی وہی کارکردگی ہے جو سابقہ حکومتوں میں تھیں ۔ ساہیوال واقعہ اور اب صلاح الدین کی موت کو لے کر لوگوں میں کافی بے چینی پاٸی جارہی ہے کیونکہ لوگ اس بات کے منتظر تھے کہ وزیر اعظم عمران خاں ان تمام اداروں میں اصلاحات کر کے عوام کی زندگیاں آسان بنا دیں گے ۔ لیکن اب لوگوں کا کہنا ہے کہ ساہیوال واقعہ اور صلاح الدین کے ساتھ وہی کچھ ہوا ہے جو ماڈل ٹاٶن میں لوگوں کے ساتھ ہوا تھا ۔ نا اس وقت کی حکومت نے ایسے پولیس والوں پر ہاتھ ڈالا اور نا ہی اب وزیر اعلی پنجاب عثمان بزدار نے اس حوالے سے کوٸی خاص کارکردگی دیکھاٸی ہے ۔
pti کارکنان کا کہنا ہے کہ ہم وزیر اعظم عمران خاں سے آج بھی پر امید ہیں کہ وہ ملکی حالات کو ٹھیک کر دیں گے لیکن وزیر اعلی پنجاب عثمان بزدار کی کارکردگی سے لوگ مایوس ہو چکے ہیں ۔ یہ ٹرینڈ بھی pti کارکنان کی جانب سے شروع کیا گیا تھا ۔ pti کارکنان کا یہ بھی کہنا تھاکہ ہم سابقہ حکومتوں کے کارکنان جیسے نہیں ہیں جو اپنی حکومت کے ہر غلط کام کو بھی سپورٹ کریں ۔ pti کارکنان کا کہنا ہے کہ ہم غلط کو غلط ضرور کہیں گے اور اس پر عمران خاں سے اپیل بھی کریں گے کہ وہ قابل لوگوں کو آگے لے کر آٸیں تاکہ ہمارا اگلا ووٹ بھی عمران خاں کو جاٸے ۔
اس ٹرینڈ میں ایک بہت ہی کمال کا شعر دیکھنے کو ملا جس میں اس سارے نظام کی حقیقت کھول کر رکھ دی گٸی ہے
جو میری آنکھوں نے دیکھا لوگو !! اگر بتادوں تو کیا کرو گے
جو سُن رہے ہو وہ کچھ نہیں ہے!میں سب سُنا دوں تو کیا کرو گے
اے گونگو !بہرو !جیو گے کب تک زمیں کے سینے پہ بوجھ بن کے
میں سارے ناگوں کے سب ٹھکانے تمہیں بتا دوں تو کیا کرو گے
اللہ پاک ہمارے پیارے وطن کو امن کا گہوارہ بناٸے اور شاد و آباد رکھے ۔ آمین
