لاہور : لاہور بورڈ آف انٹر میڈیٹ کی طرف سے انٹر میڈیٹ کے نتائج کے اعلان کے بعد لاہور بورڈ آف انٹرمیڈیٹ اینڈ سیکنڈری ایجوکیشن نے انٹرمیڈیٹ پارٹ ون اور ٹو کے سپلیمنٹری امتحان کا شیڈول جاری کردیا، سپلیمنٹری امتحانات کا باقاعدہ آغاز 10 اکتوبر سے ہوگا۔
لاہور بورڈ آف انٹرمیڈیٹ اینڈ سیکنڈری ایجوکیشن کیطرف سے جاری تفصیلات کے مطابق انٹر سپلیمنٹری امتحانات کا باقاعدہ آغاز 10 اکتوبر سے ہوگا، امیدوار سنگل فیس کے ساتھ 16 ستمبر تک فیس جمع کراسکیں گے۔
لاہور بورڈ کی طرف سے فیس کی شرح کے بارے میں تفصیلات کے مطابق ڈبل فیس کے ساتھ 23 ستمبر تک داخلہ وصول کیا جائے گا جبکہ تین گناہ فیس کے ساتھ 30 ستمبر تک داخلہ جمع کرایا جاسکے گا۔ ترجمان لاہور بورڈ کے مطابق مقرہ تاریخ گزر جانے کے بعد کسی طالبعلم کا داخلہ وصول نہیں کیا جائے گا۔
