لاہور: وزیراعلیٰ پنجاب کے ترجمان شہباز گل نے دعویٰ کیا ہے کہ صلاح الدین کی پوسٹ مارٹم رپورٹ کا انتظار کیا جارہا ہے. جبکہ دیکھا جائے تو پوسٹ مارٹم کی رپورٹ منظر عام پر آگئی ہے جسے صلاح الدین کے والد مسترد بھی کرچکے ہیں.
تفصیلات کے مطابق پنجاب حکومت اس وقت شدید کنفیوژن کا شکار ہے. حکومت کا ایک ترجمان کوئی اور بات کرتا ہے تو دوسرا کوئی اور بات کردیتا ہے. بات یہیں ختم نہیں ہوتی بلکہ پنجاب پولیس بھی اس وقت متضاد بیانات دے رہی ہے. وزیراعلیٰ پنجاب عثمان بزدار کے ترجمان شہباز گل نے سماجی رابطے کی ویب سائٹ ٹویٹر پر اپنے ایک پیغام میں کہا ہے کہ صلاح الدین کی پوسٹ مارٹم رپورٹ کا انتظار کیا جارہا ہے. جبکہ دیکھا جائے تو پوسٹ مارٹم کی رپورٹ منظر عام پر آگئی ہے جسے صلاح الدین کے والد مسترد بھی کرچکے ہیں. انہوں نے مزید کہا کہ پنجاب حکومت نے صلاح الدین کیس کو عدالت میں لےجانے کا فیصلہ کیا ہے. انہوں نے دعویٰ کیا کہ پولیس عہدیداروں کیخلاف ایف آئی آر بھی کاٹی جاچکی ہے. ایس ایچ او سمیت 3 پولیس عہدیداروں کیخلاف قتل کا مقدمہ کیا گیا ہے. انہوں نے دعویٰ کیا کہ ڈی ایس پی سمیت 3 پولیس عہدیداروں کو برطرف بھی کردیا گیا ہے.
Update on #Salahuddin Case:
Govt of Punjab has requested for #Judicialinquiry of the case
FIR has been registered against police officials. Murder case registered against 3 officials including SHO.
DSP and all 3 policemen have also been suspended.
Post-mortem report awaited.— Dr. Shahbaz GiLL (@SHABAZGIL) September 4, 2019
دوسری جانب پنجاب پولیس کے احمقانہ بیانات ختم ہونے کا نام ہی نہیں لے رہے. آر پی او بہاولپور بیان دے چکے ہیں کہ صلاح الدین پر کسی قسم کا تشدد نہیں کیا گیا. جبکہ صلاح الدین کے والد صلاح الدین پر پولیس تشدد کی تصدیق کرچکے ہیں.
