![ali rehman khan](https://baaghitv.com/wp-content/uploads/2023/06/ali-rehman-khan-905x613.jpg)
اداکار علی رحمان خان نے اپنے حالیہ انٹرویو میں کہا ہے کہ فنکار کو ہمیشہ مختلف کردار کرنے کی بھوک رہتی ہے، میرا بھی شمار ایسے فنکاروں میں ہوتا ہے جو اچھے اور منفرد کردار کی تلاش میں رہتے ہیں. فنکار کوئی بھی ہو اسکی کوشش ہوتی ہے کہ وہ الگ الگ کردار کرکے اپنا نام بنائے اپنی پہچان بنائے. انہوں نے کہا کہ میں سمجھتا ہوں جب بھی کسی فنکار کو الگ کردار آفر ہو تو وہ اس کو جھپٹ لے.
علی رحمان خان نے ”گرو ڈرامہ سیریل میں خواجہ سرا کا کردار کیا ہے ، اس حوالے سے بات کرتے ہوئے انہوں نے کہا ہے کہ میرے پاس جب یہ کردار آیا تو مجھے لگا کہ یہ میرے لئے ایک چیلنج ہے مجھے اسکو ضرور قبول کرنا چاہیے” لہذا میں نے فورا حامی بھر لی. اس کردار کوکرنے کےلئے مجھے بہت محنت کرنا پڑی کیونکہ میں سکرین پر خواجہ سرا ہی لگنا چاہتا تھا. انہوں نے ایک سوال کے جواب میں کہا کہ خواجہ سراہوں کے بہت سارے مسائل ہیں جن کو جاگر کرنے کی ضرورت ہے اور ہمارے ہاں اب ایسی کہانیاں بننا شروع ہو گئیں ہیںجو ان کے مسائل کو اجاگر کررہی ہیں اہم بات یہ ہے کہ شائقین ایسے ڈراموں کو ہضم کرنے لگے ہیں.