اداکارہ حرا نے اپنے شوہر مانی کی تعریفوں کے پل باندھ دئیے ہیں انہوں نے حال ہی میں سوشل میڈیا پر ایک پوسٹ بھی لگائی ہے جس میںانہوں نے کہا ہے کہ مانی تم ایک بہترین اداکار ہو ، جس طرحسے تم نے تیری میری کہانیاں میںکام کیا ہے اور جس طرح سے لوگ تمہاری اداکاری پر تالیاں بجا رہے تھے وہ دیکھ کر مجھے ابو کی بات یاد آگئی کہ حرا مانی نے ابھی اپنی اننگز ٹھیک طرح سے کھیلی ہی کہاں ہے، جس دن کھیلے گا تم حیران رہ جائو گی، اور میں واقعتا حیران رہ گئی ہوں، جس طرح لوگ آج تمہاری اداکاری کی تعریف کررہے ہیں وہ ناقابل بیان ہے.
حرا نے کہا کہ مانی تم میرے ٹام ہینکس ہو، تم نے مسلسل تین فلموں میں اپنی بہترین اداکاری کے جوہر دکھائے ہیں، اور” تمہارے ساتھ سکرین شئیر کرنا میرے لئے اعزاز کی بات ہے. تم اسی طرح سے کام کرتے رہو لوگ تمہیں بہت پسند کرتے ہیں ” ، جو لوگ کہتے تھے تم بہت تیز بولتے ہو دیکھو آج وہ بھی تمہارے شاندار کام کو سراہ رہے ہیں اور تالیاںبجا رہے ہیں. مجھے بہت خوشی ہے کہ آج ہر طرف تمہارا ہی نام ہے. کیا شاندار داکاری کرتے ہو.
