میرپورخاص :محرم الحرام،جلوسوں کے روٹ پر سڑکوں کی مرمت کاکام تیزی سے جاری

میرپورخاص،باغی ٹی وی (نامہ نگار سید شاہزیب شاہ کی رپورٹ )محرم الحرام،جلوسوں کے روٹ پر سڑکوں کی مرمت کاکام تیزی سے جاری
تفصیل کے مطابق میرپورخاص میں باغی ٹی وی نے عوامی مسائل پر بات کرنے کیلئے ایک سروے شروع کیا تو عوام نے مختلف سڑکوں میں گڑھے پڑنے کی نشاندہی کی تھی،

اب ان سڑکوں کی مرمت کا کام شروع کردیا گیا ہے، محرم الحرام کا چاند نظر آنے کو ہے ہر طرف بلدیہ کے سینٹری ورکر صفائی کرتے ہوئے نظر آ رہے ہیں ،جن سڑکوں میں گڑھے موجود ہیں وہاں استر کاری شروع کردی گئی ہے،کہیں بلدیہ میرپورخاص کے ٹریکٹر ٹرالیوں کے ذریعے کچرہ اٹھایا جا رہا ہے تو کہیں سینٹری ورکر ہاتھ والی ٹرالی کے ذریعے کچرہ اٹھا رہے ہیں

نالیوں اور گٹر کی پائپ لائنوں کو میئر میرپورخاص عبدالرؤف غوری اور ڈپٹی میئر جنید بلند کے خصوصی حکم کے تحت کیا جارہا ہے ،واضح رہے کہ جن جگہوں پہ کام نہ ہونے کی شکایت کی تھی تو میئر میرپورخاص عبدالرؤف غوری نے ماتحت عملے کے خلاف سخت ایکشن لیتے ہوئے حکم دیا تھا کہ میرپورخاص کو ہر صورت میں صاف اور شفاف شہر بنایا جائیگا-