انڈر19 ایشیا کپ کے پہلےمیچ میں افغانستان نے پاکستان کو 84 رنزسے ہرا دیا ہے،
باغی ٹی وی کی رپورٹ کے مطابق افغان ٹیم نےپہلےبیٹنگ کرتےہوئے46اوورزمیں9وکٹ پر172رنزبنائے، پاکستان کے عامرعلی اورفہدمنیرنے3، 3وکٹیں لیں، پاکستان کی پوری ٹیم 19.4اوورزمیں 78رنز پرڈھیرہوگئی، پاکستان کو شکست دینے پر افغان کرکٹ ٹیم کے کھلاڑی خوش نظر آئے،
واضح رہے کہ انڈر 19 ایشیا کپ 2019 کی ٹرافی کی تقریب رونمائی کولمبو کے مقامی ہوٹل میں ہوئی تھی جس میں آٹھوں ٹیموں کے کپتان شریک تھے، تقریب کے دوران کپتانوں کے ساتھ ایک پریس کانفرنس بھی کی گئی جس کے بعد کھلاڑیوں کا ٹرافی کے ساتھ فوٹو سیشن ہوا تھا، پاکستانی کپتان روحیل نذیر نے بھی ٹرافی کے ساتھ تصویر بنوائی، اے سی سی انڈر 19 کپ میں روایتی حریف پاکستان اور بھارت گروپ اے میں شامل ہیں جبکہ افغانستان اور کویت کی ٹیمیں بھی گروپ اے کا حصہ ہوں گی، گروپ بی میں سری لنکا، بنگلہ دیش، متحدہ عرب امارات (یو اے ای) اور نیپال شامل ہیں،
روایتی حریف پاکستان اور بھارت کے درمیان 7 ستمبر کو میچ کھیلیں گے، پاکستان اور کویت کی ٹیمیں 9 ستمبر کو آمنے سامنے ہوں گی،
Leave a reply
