اگر مندر تشدد کا سبب بنیں تو انہیں بند کر دینا بہتر ہے،بھارتی عدالت

بھارتی ریاست مدراس کی اعلیٰ عدالت کا کہنا ہے کہ اگر مندر تشدد کا سبب بنیں تو انہیں بند کر دینا بہتر ہے۔

باغی ٹی وی : مدراس ہائی کورٹ کے جج جسٹس آنند وینکٹیش نے جمعہ کو ایک مندر کے تہوار پر دو گروہوں کے درمیان جھگڑے کے معاملے کی سماعت کرتے ہوئے ریمارکس دیئےکہ مذہبی گروہ مندروں کے تہواروں کو اپنی طاقت اور اثر دکھانے کا موقع سمجھتے ہیں ان تہواروں کے انعقاد میں کوئی عقیدت شامل نہیں ہے بلکہ یہ ایک یا دوسرے گروہ کی طاقت کا مظاہرہ بن گیا ہے-

بھارتی میڈیا کے مطابق عدالت نے تمل ناڈو کے مائیلادوتھرائی شہر میں شری روتھرا مہا کلیممان الائم مندر میں ایک تہوار کے انعقاد کے لیے پولیس تحفظ کی درخواست کو مسترد کر دیا اپنی درخواست میں مندر کے موروثی ٹرسٹی ہونے کا دعویٰ کرنے والے درخواست گزارکے تھنگراسو نے استدعا کی تھی کہ اتوار سے شروع ہونے والے تہوار کے لیے پولیس کو تحفظ فراہم کرنا چاہیے، کیونکہ ناخوشگوار واقعات کے خدشات ہیں۔

بنگلادیش میں مسافروں سے بھری بس تالاب میں گر گئی، تین بچوں سمیت 17 افراد …

اپنے فیصلے میں، عدالت نے کہا کہ پولیس کے پاس زیادہ اہم کام ہیں، اور ان کا وقت اور توانائی کسی مندر میں حریف گروپوں کے درمیان تنازعات کو حل کرنے میں نہیں لگائی جانی چاہیے اگر مندر تشدد کو دوام بخشنے والے ہیں تو مندروں کے وجود کا کوئی مطلب نہیں ہوگا اور ایسے تمام معاملات میں ان مندروں کو بند کرنا بہتر ہوگا تاکہ تشدد کو روکا جاسکے، اس نوعیت کے تنازعات میں ریونیو اور پولیس افسران کا قیمتی وقت ضائع نہیں کیا جا سکتا-

عدالت نے پولیس کو یہ بھی ہدایت کی کہ امن و امان کی صورتحال خراب ہونے کی صورت میں ضروری کارروائی کی جائے۔

جسٹس وینکٹیش نے نشاندہی کی کہ ان کے سامنے موجودہ رٹ پٹیشن تھنگاراسو عرف کے تھنگراج نے دائر کی تھی جس میں سرکلی تالوک میں سری روتھا مہا کلیممان الائم کے موروثی ٹرسٹی ہونے کا دعویٰ کیا گیا تھا۔ ایڈیشنل پبلک پراسیکیوٹر اے دامودرن نے عدالت کو بتایا کہ مندر کے اندر ونیاگر مورتی رکھنے پر دو گروپوں کے درمیان جھگڑا ہوا تھا۔

پی ٹی آئی کے رہنما ساتھیوں سمیت ن لیگ میں شامل

تحصیلدار نے تحقیقات کی تھی اور حکم دیا تھا کہ کوئی بھی شخص ونایاگر کی مورتی کو مندر کے اندر نہ رکھے کیونکہ اس سے امن و امان کا مسئلہ پیدا ہوسکتا ہے اور اسی لیے عرضی گزار نے پولیس تحفظ کے لیے عدالت سے رجوع کیا تھا۔ اے پی پی کی جمع کرانے کے بعد، جج نے مندر کے تہوار کے لئے پولیس کی حفاظت کا حکم دینے سے انکار کر دیا.

دریں اثنا، تمل ناڈو حکومت نے عدالت کو بتایا تھا کہ دو حریف گروپ اس بات پر جھگڑے میں مصروف ہیں کہ تہوار کے دوران مندر کے اندر مورتی رکھنے کا حق کس کو ہے ایک امن کمیٹی کی جانب سے تنازعہ کو حل کرنے میں ناکامی کے بعد، ریاستی حکومت نے عدالت میں عرض کیا کہ تہوار کے انعقاد سے امن و امان کے مسائل پیدا ہوسکتے ہیں اور کسی بھی گروپ کو مورتی رکھنے کی اجازت نہیں دی جانی چاہئے۔

وزیراعظم کا صحت کےحوالے سے آگاہی مہم شروع کرنے کا اعلان