اسلامیہ یونیورسٹی بہاولپور کے سابق وائس چانسلر ڈاکٹر اطہر محبوب کو امریکہ جانے سے روک دیا گیا
ایف آئی اے امیگریشن کراچی نے ڈاکٹر اطہر محبوب کو امریکہ جانے سے روکا۔ایف آئی اے ذرائع کے مطابق سابق وی سی نے دو روز قبل کراچی ایئرپورٹ سے امریکہ جانے کی کوشش کی، ایف آئی اے امیگریشن کائونٹر پر تعینات اہلکار نے سابق وی سی بہاولپور یونیورسٹی کو روکا۔ایف آئی اے کے سینئر افسران نے سابق وائس چانسلر بہاولپور یونیورسٹی کو ملک سے باہر جانے سے روکنے کی ہدایت کی بہاولپور یونیورسٹی سکینڈل کی تحقیقات کیلئے سابق وائس چانسلر کو آف لوڈ کیا گیا ، ڈاکٹر اطہر محبوب 25 جولائی 2023 کو بطور وائس چانسلر بہاولپور اسلامیہ یونیورسٹی ریٹائرڈ ہوئے ہیں
بہاولپور اسلامیہ یونیورسٹی ویڈیو اسکینڈل کا معاملہ اہم پیش رفت ،سابق وی سی بہاولپور اسلامیہ یونیورسٹی ڈاکٹر اطہر محبوب کا نام ای سی ایل میں ڈالنے کے لئے ایف آئی اے کو درخواست کردی گئیاسکینڈل میں ملوث ڈائریکٹر سیکورٹی بہاولپور اسلامیہ یونیورسٹی سمیت دیگر کے نام ای سی ایل میں ڈالنے کی سفارش کردی گئی،ایف آئی اے نے وزارت داخلہ کو سفارش بھیج دی،بہاولپور یونیورسٹی کے مطلوب تمام ملزمان کے نام ای سی ایل میں ڈالنے کی منظوری ملتے ہی ایف آئی اے تمام ایرپورٹس پر امیگریشن سرکل کو آگاہ کرے گا،سابق وی سی بہاولپور یونیورسٹی کو کراچی ایرپورٹ سے امریکا فرار ہونے کی کوشش میں ایف آئی اے نے روکا تھا
واضح رہے کہ بہاولپور کی اسلامیہ یونیورسٹی کے چیف سیکیورٹی افسر سے منشیات، نازیبا ویڈیوز اور تصاویر برآمد ہونے کے کیس میں بڑی پیشرفت ہوئی ہے، یونیورسٹی کے چیف سیکیورٹی افسر سید اعجاز اور ڈائریکٹر فنانس ابو بکر کے موبائل فونز کا فرانزک مکمل کرلیا گیا ہے۔ بہاولپور میں گرفتار ہونے والے اسلامیہ یونیورسٹی کے چیف سیکیورٹی آفیسر سے منشیات، نازیبا ویڈیوز اور تصاویر برآمد ہونے کے کیس میں ہوشرباء انکشافات سامنے آگئے جس میں ملزم اعجاز شاہ اور ڈائریکٹر فنانس ابوبکر کے موبائل فونز کا فرانزک مکمل کرکے ویڈیوز، چیٹس اور تصاویر کے حوالے سے جامعہ رپورٹ نگراں وزیر اعلیٰ پنجاب کو ارسال کردی گئی۔
دوسری جانب مسلم لیگ ق کے رہنما اور وفاقی وزیر طارق بشیر چیمہ نے اسلامیہ یونیورسٹی اسکینڈل میں بیٹے کا نام آنے پر ردعمل دیتے ہوئے کہا ہے کہ اگر کوئی عیب ثابت ہوگیا تو خود بیٹے کو گھر سے نکال دوں گا، جس دن میرے منہ سے الفاظ نکلے میرے مخالفین اس شہر میں رہنے کے قابل نہیں رہیں گے۔ اسلامیہ یونیورسٹی اسکینڈل کے حوالے سے الزامات کی زد میں آئے اپنے صاحبزادے ولی داد چیمہ کے ہمراہ ہنگامی پریس کانفرنس کرتے ہوئے وفاقی وزیر طارق بشیر چیمہ کا کہنا تھا کہ اسلامیہ یونیورسٹی کا ایک واقعہ ہوا یہ کیسی صحافت ہے کہ سیاسی پوائنٹ اسکورنگ کے لیے بچوں کے مستقبل کو داؤ پر لگا دیا گیا، اگر کسی کے پاس کوئی ثبوت ہے تو سامنے لائیں۔
باجوڑ میں جے یو آئی کے ورکر کنونشن میں دھماکا
قرآن پاک کی بے حرمتی روکنےکی کوشش کرنیوالی خاتون پر چوری کے الزامات
حالیہ مون سون بارشوں کی تباہ کاریاں، این ڈی ایم اے کی رپورٹ جاری
قرآن پاک کی بے حرمتی روکنےکی کوشش کرنیوالی خاتون پر چوری کے الزامات
حالیہ مون سون بارشوں کی تباہ کاریاں، این ڈی ایم اے کی رپورٹ جاری
