سیالکوٹ ،باغی ٹی وی(سٹی رپورٹر شاہد ریاض)پنجاب کےصوبائی محکموں میں روایتی فائل سسٹم کی جگہ ای فائلنگ اینڈ آٹو میشن سسٹم متعارف کرایادیاگیا
نگران وزیراعلی پنجاب محسن نقوی کی ہدایت پر صوبائی محکموں میں روایتی فائل سسٹم کی جگہ جدید دور کے تقاضوں سے ہم آہنگ ای فائلنگ اینڈ آٹو میشن سسٹم متعارف کرایاگیاہے اور اس سلسلہ میں پنجاب انفارمشین ٹیکنالوجی بورڈکے زیر اہتمام جناح ہال قلعہ میں مختلف سرکاری محکموں کے افسران اور سٹاف کو تربیت کی فراہمی شروع کردی گئی ہے۔
ایڈیشنل ڈپٹی کمشنر ریونیو محمد اقبال، ایڈیشنل ڈپٹی کمشنر جنرل سید اسد رضا کاظمی ،اسسٹنٹ کمشنر سیالکوٹ غلام سرور،اسسٹنٹ کمشنر پسرور قمر منج، اسسٹنٹ کمشنر سمبڑیال احسن چیمہ،سینیئر پروگرام مینیجر پی آئی ٹی بی محمد نوید اسلم، ایس این اے حافظ ظہیر نے ”الیکٹرانک فائل اینڈ آفس آٹومیشن سسٹم” کے سلسلہ میں تربیتی ورکشاپ کے شرکائسے خطاب کرتے ہوئے کہا کہ اس پروگرام کا مقصد دفاتر میں پیپر لیس فائل سسٹم کا فروغ اور نفاذ ہے جس کی بدولت نہ صرف سرکاری امور کی ادائیگی میں تیزی‘ جدت اور شفافیت آئے گی بلکہ سٹیشنری اخراجات میں بھی مکمل طور پر بچت ممکن ہوسکے گی ۔
