انوار الحق کاکڑ نگران وزیراعظم،وزیراعظم، اپوزیشن لیڈر میں اتفاق ہو گیا ہے
باپ پارٹی سے تعلق رکھنے والے سینیٹر انوار الحق کاکڑ پاکستان کے نگران وزیراعظم ہونگے،وزیراعظم شہباز شریف سے ملاقات کے بعد اپوزیشن لیڈر راجہ ریاض نے میڈیا سے بات کرتے ہوئے انوارالحق کاکڑ کے نام پر اتفاق کیا ہے،یہ نام میں نے دیا تھا وزیر اعظم نے اس پر اتفاق کیا ہے، کل تک نگران وزیراعظم حلف اٹھا لیں گے،کابینہ بنانے کا اختیار نگران وزیر اعظم کا ہے،چھوٹے صوبے کا غیر متنازع شخص وزیراعظم مقرر ہوا ہے،
قبل ازیں راجہ ریاض وزیراعظم ہاؤس پہنچ گئے، وزیراعظم شہبا زشریف سے راجہ ریاض کی ملاقات ہوئی،یہ دوسری ملاقات تھی، وزیرِ اعظم محمد شہباز شریف سے قائد حزب اختلاف کی ملاقات ہوئی،وزیرِ اعظم اور قائد حزب اختلاف کے مابین نگران وزیرِ اعظم کی تقرری پر حتمی مشاورتی عمل خوش اسلوبی سے مکمل ہو گیا، انوار الحق کاکڑ کے نام پر بطور نگران وزیرِ اعظم اتفاق کر لیا گیا،وزیرِ اعظم اور قائد حزب اختلاف نے مشترکہ طور پر دستخط کرکے ایڈوائس صدر پاکستان کو بھجوا دی. وزیرِ اعظم نے قائد حزب اختلاف کا مشاورتی عمل میں تعاون اور ان 16 ماہ میں بطور بہترین حزب اختلاف کی قیادت پر شکریہ ادا کیا،
انوار الحق کاکڑ 2018ء سے سینیٹ انتخابات میں بلوچستان سے جنرل نشست پر آزاد امیدوار کے طور پر ایوان بالا پاکستان کے لیے منتخب ہوئے تھے، انہوں نے 12 مارچ 2018ء کو سینیٹر کی حیثیت سے حلف اٹھایا،وہ باپ کے اشتراک سے سینیٹر منتخب ہوئے تھے،
