معروف اداکار ، گلوکار اور میزبان محسن عباس حیدر نے اپنے حالیہ انٹرویو میںکہا ہے میرے پاس ایسی ایسی آفرز آئیں کہ جن کو میں نے کسی نہ کسی وجہ سے چھوڑا تھا ، اور بعد میںوہ جنہوں نے بھی آفرز قبول کیں ان کی زندگی بدل گئی ان کا کیرئیر اونچائیوں پر چلا گیا.انہوں نے کہا کہ ڈرامہ سیریل خانی میرے پاس آیا ، میں نہیں کر پایا میرے پاس ڈیٹس نہیں تھیں ، یا کوئی اور پراجیکٹ چل رہا تھا، خانی فیروز خان نے کر لیا اس کے کیرئیر کا وہ ٹرننگ پوائنٹ ثابت ہوا. اسی طرح سے مجھے رانجھا رانجھا کردی میں بھولے کا کردار آفر ہوا میں نہیں کر سکااور وہ ڈرامہ عمران اشرف کے کیرئیر کو اونچائیوںپر لے گیا.
”محسن عباس حیدر نے بتایا کہ پری زاد ڈرامہ کا سکرپٹ اوریجنل کتاب اور کنٹریکٹ میرے گھر میںپڑا ہوا ہے” وہ بھی میں کسی وجہ سے نہیں کر پایا ، اور احمد علی اکبر کو اس ڈرامے ملک گیر شہرت ملی ، تو ایسا ہوتا ہے آپ کے پاس کمال کے کردار اور پراجیکٹس آتے ہیں لیکن آپ نہیں کرپاتے. مجھے کوئی پچھتاوا نہیں جسکی قسمت میںجو ہوتا ہے وہ اسکوملتا ہے مجھے یہ سارے پراجیکٹس آفر ضرور ہوئے لیکن قسمت میںنہیں تھے سو نہیں کر سکا .
