بالی وڈ سپر اسٹار سلمان خان جو ہر دلعزیز ہیں پوری دنیا میں شہرت رکھتے ہیں ، وہ آج کل اپنی نئی فلم ‘ٹائیگر 3’ کے پروموشنز کی تیاری کر رہے ہیں۔حال ہی میں انہوں نے بگ باس او ٹی ٹی 2 کی شوٹنگ مکمل کی ہے، پروگرام کے گرینڈ فائنل میں انہوں نے ماضی کے مشکل حالات کا تذکرہ کیا۔اور کہا کہ کوئی کام چھوٹا یا بڑا نہیں ہوتا میں نے اپنی زندگی میں بہت سارے کام اپنے ہاتھ سے کئے، انہوں نے کہا کہ جب میں جیل میںتھا تو میں نے اپنے سارے کام خود کئے یہاں تک کہ واش روم بھی اپنے ہاتھ سے صاف کیا کرتا تھا، میں سمجھتا ہوں کہ ہر انسان کو اپنی انا کو ایک سائیڈ پر رکھ کر جو اس کے سر پر مشکل پڑی ہے اس سے نکلنے کے لئے ہر ممکن کوشش کرنی چاہیے.
”انہوں نے بگ باس کی امیدوار پوجا بھٹ کی طرف سے بگ باس ہائوس کے کمرے کو صاف ستھرا رکھنے پر انہیں بہت سراہا اور کہا کہ کبھی بھی بگ باس ہائوس میں کوئی کمرا اتنا صاف نہیں رہا”۔ انہوں نے کہا کہ انسان کو صفائی پسند ہونا چاہیے. یاد رہے کہ سلمان خان ٹائیگر تھری میں جلوہ گر ہو رہےہیں ان کا کہنا ہےکہ فلم شائقین کو ضرور پسند آئیگی.