معروف اداکارہ ریشم نے اپنے حالیہ انٹرویو میں کہا ہے کہ میں فٹنس کا بہت خیال رکھتی ہوں یہی وجہ ہے کہ میں نے گزشتہ تین ماہ میں 13 کلو وزن کم کیا ہے. انہوں نے کہا کہ میں کھانے پینے کی بہت شوقین ہوں ہر چیز کھاتی ہوں لیکن ورزش کا خیال ضرور رکھتی ہوں. ریشم نے مزید کہا کہ لوگ اکثر مجھ سے میر ی خوبصورتی کا راز پوچھتے ہیں تومیں ان کو یہی بتانا چاہوں گی کہ میں نے کبھی کسی کا برا نہ سوچا ہے نہ کیا ہے یہی وجہ ہے کہ میں خوبصورت نظر آتی ہوں . انہوں نے کہا کہ ہماری نانی اور دادیاں یہ کہا کرتی تھیں کہ جو انسان کسی دوسرے کا برا نہ سوچے اور نہ ی برا کرے اسکا چہرہ خوبصورت رہتا ہے.
لہذا جو انسان جو ہوتا ہے یا کرتا ہے وہ چیز اس کے چہرے پر عیاں ہوتی ہے. انہوں یہ بھی کہا کہ ”ہر انسان خوبصورت ہوتا ہے اور مزید خوبصورت بن سکتا ہے” بس خود پر توجہ دی جانی چاہیے ، اور جو خواتین تمام دن گھر کے کاموں میں لگی رہتی ہیں ان کو بھی چاہیے کہ وہ خود کے لئے بھی وقت نکالا کریں. میرے کام کی جتنی بھی مصروفیت ہو لیکن میںخود کے لئے وقت ضرور نکالتی ہوں.
