چیئرمین پاکستان کرکٹ بورڈ کی منیجمنٹ کمیٹی ذکا اشرف نے ہر کھلاڑی و ٹیم مینجمنٹ کو دس لاکھ روپے دینے کا اعلان کردیا جبکہ ذرائع کے مطابق پاکستان ون ڈے میں نمبر ون بنی تو ذکاء اشرف نے قومی ٹیم کی پرفارمنس سے انتہائی خوشی کا اظہار کیا۔
علاوہ ازیں بتایا جارہا ہے کہ آئی سی سی ون ڈے رینکنگ میں نمبر ون ٹیم بننے پر کھلاڑیوں اور ٹیم مینجمنٹ کیلیے خصوصی انعام کا اعلان کردیا جبکہ ذکا اشرف نے ہر کھلاڑی و ٹیم مینجمنٹ کو دس لاکھ روپے دینے کا اعلان کردیا۔
دوسری جانب بھارتی کرکٹ بورڈ کے صدر روجر بنی اور نائب صدر راجیو شکلا نے پاکستان آنے کی تصدیق کردی ہے اورع صدر راجر بنی کا کہنا ہے کہ وہ اور نائب صدر راجیو شکلا چار ستمبر کو پاکستان پہنچیں گے، پاکستان میں سرکاری عشائیے کے علاوہ ایشیا کپ کے میچز بھی دیکھیں گے۔
راجر بنی نے پاکستان کی میزبانی کو سرہاتے ہوئے کہا کہ مجھے اُمید ہے کہ میرے دورہ پاکستان سے پاک بھارت کرکٹ روابط کو فائدہ ہوگا اور ان کا کہنا تھا کہ پاک بھارت مقابلے ایشیز سے بڑے اور سب سے زیادہ دیکھے جانے والے ہیں۔ بھارتی کرکٹ بورڈ کے صدر اٹھارہ سال بعد پاکستان کا دورہ کریں گے، آخری مرتبہ دو ہزار پانچ میں ایشین کرکٹ کونسل کے کیمپ کے لیے پاکستان آئے تھے۔
