راولپنڈی پولیس کی اہم کامیابی، ایک روز قبل وارث خان میں خاتون سے ڈکیتی اور تشدد کرنے والا ملزم زخمی حالت میں گرفتارکر لیا گیا،
سی پی او سید خالد ہمدانی نے واقعہ کا نوٹس لیتے ہوئے ملزمان کی فوری گرفتاری کےاحکامات دیے تھے۔ فرار ملزم کی گرفتاری کے لیےسرچ آپریشن جاری ہے، ترجمان پولیس کا کہنا ہے کہ جلد فراری ملزم کو بھی گرفتار کر لیا جائے گا، راولپنڈی کے تھانہ وارث خان کے علاقہ میں ایک روز قبل خاتون ٹیچر سے ڈکیتی اور تشدد کے مقدمہ میں اہم پیش رفت سامنے آئی ہے، واردات میں ملوث ڈاکؤوں نے رات گئے پولیس پارٹی پر فائرنگ کی ، جس کے بعد ایک ڈاکو زخمی حالت میں گرفتار کر لیا گیا، زخمی ڈاکو حمزہ کے قبضہ سے پسٹل اور زیراستعمال موٹرسائیکل برآمد کر لی گئی، زخمی ڈاکو کو طبی امداد کے لئے ہسپتال منتقل کیا گیا ہے، تفتیش کے دوران مزید اہم انکشافات بھی متوقع ہیں،
ترجمان پولیس کے مطابق ملزم اور ساتھی کی گرفتاری پولیس کے لئے ایک چیلنج تھی، سی پی او سید خالد ہمدانی نے خاتون ٹیچر سے واردات کے واقعہ پر نوٹس لیتے ہوئے ملزمان کی جلد از جلد گرفتاری کا ٹاسک دیا تھا،
واضح رہے کہ ایک ویڈیو سامنے آئی تھی جس میں دیکھا جا سکتا ہے کہ دو موٹر سائیکل سواروں نے خاتون سے ڈکیتی کے دوران اس پر تشدد،ہراساں کیا، خاتون کو مارا گیا اور اسے سامان چھین کر اسے زمین پر گرا دیا گیا، واقعہ کے بعد ملزمان فرار ہو گئے تھے،
سوشل میڈیا پرغلط خبریں پھیلانا اورانکو بلاتصدیق فارورڈ کرنا جرم ہے، آصف اقبال سائبر ونگ ایف آئی اے
سوشل میڈیا پر جعلی آئی ڈیز کے ذریعے لڑکی بن کر لوگوں کو پھنسانے والا گرفتار
سوشل میڈیا پر وزیر اعظم کے خلاف غصے کا اظہار کرنے پر بزرگ شہری گرفتار
کرونا میں مرد کو ہمبستری سے روکنا گناہ یا ثواب
قبل ازیں ترجمان پولیس کا کہنا تھا کہ راولپنڈی کےعلاقہ وارث خان میں پیش آنےوالےاس واقعہ پر سینئر افسران کی سربراہی میں خصوصی ٹیمیں تشکیل دے دی گئی ہیں اور ہدایت کی گئی ہے کہ تمام وسائل کو بروئے کار لاتے ہوئے فوری طور پرملزمان کی گرفتاری کو یقینی بنایا جائے،انشاءاللہ جلد ملزمان کوگرفتارکرکےقرار واقعی سزادلوائی جائےگی۔
راولپنڈی کےعلاقہ وارث خان میں پیش آنےوالےاس واقعہ پر سینئر افسران کی سربراہی میں خصوصی ٹیمیں تشکیل دے دی گئی ہیں اور ہدایت کی گئی ہے کہ تمام وسائل کو بروئے کار لاتے ہوئے فوری طور پرملزمان کی گرفتاری کو یقینی بنایا جائے،انشاءاللہ جلد ملزمان کوگرفتارکرکےقرار واقعی سزادلوائی جائےگی۔ https://t.co/JFUqPyoIOm
— RPO Rawalpindi (@Rporwp) August 28, 2023
