ڈاکٹر نے ڈیلیوری کے بعد لڑکی کے پیٹ میں کپڑا چھوڑ دیا

کراچی میں نجی اسپتال کے ڈاکٹر کی جانب سے بڑی غفلت سامنے آگئی، گلشن اقبال بلاک 5 میں لیڈی ڈاکٹر نے ڈیلیوری کے بعد لڑکی کے پیٹ میں کپڑا چھوڑ دیا ہے اور گلشن اقبال کے نجی اسپتال کی ڈاکٹر نے خاتون کی زندگی داؤ پر لگادی، نجی اسپتال میں لیڈی ڈاکٹر نے ڈیلیوری کے بعد لڑکی کے پیٹ میں کپڑا چھوڑ دیا۔

جبکہ متاثرہ لڑکی فلپائنی نژاد پاکستانی ہے، اہلخانہ کا کہنا ہے کہ 24 سالہ خاتون کی 2 ماہ قبل ڈیلیوری ہوئی تھی، جس کے بعد سے پیٹ میں درد رہتا تھا، اور حالت غیر ہوجاتی تھی، اہلخانہ نے مزید بتایا کہ خاتون کو مختلف اسپتالوں میں دکھایا، پھر الٹرا ساؤنڈ میں پیٹ میں اسپنچ فوم کپڑا پایا گیا۔
مزید یہ بھی پڑھیں؛
چینی کی قیمت 200 تک پہنچ گئی
شادی جلدی یا لیٹ کبھی بھی ہو سکتی ہے ایشو والی بات نہیں‌عثمان مختار
میں آج تک اقربا پروری کا شکار نہیں‌ہوئی غنا علی
انڈر 23 ایشین کپ 2024 کوالیفائرز کیلئے 23 رکنی سکواڈ کا اعلان
حلیم عادل شیخ کے خلاف ایک اور مقدمہ درج
تاہم خاتون کے گھر والوں نے مزید بتایا کہ جب متعلقہ نجی اسپتال گئے تو انتظامیہ نے کوئی تعاون نہیں کیا، بلکہ بدتمیزی سے پیش آئے، پھر دوسرے اسپتال میں آپریشن کروایا اور پیٹ سے سب چیزیں نکالی گئیں جبکہ اہلخانہ نے بتایا کہ اسپنچ فوم کے باعث خاتون کے آنتوں کو شدید نقصان پہنچا اور ہمیں بہت پریشانی کا سامنا رہا۔ اس لیے نجی اسپتال کے خلاف سخت کارروائی عمل میں لائی جائے، علاوہ ازیں گھر والوں نے گورنر، نگراں وزیراعلیٰ سندھ اور وزیرصحت سے انصاف کا مطالبہ کرتے ہوئے کہا کہ ہمیں انصاف فراہم کرکے لیڈی ڈاکٹر کے خلاف بھی کارروائی کی جائے۔