ایمان مزاری کو گرفتار کرنے سے قبل آگاہ کریں، عدالت کا حکم

اسلام آباد ہائیکورٹ: ایمان مزاری کو کسی بھی کیس میں گرفتاری سے قبل عدالت کو آگاہ کرنا لازم قرار دے دیا گیا

اسلام آباد ہائیکورٹ کے جسٹس میاں گل حسن اورنگزیب نے حکم جاری کر دیا ، اسلام آباد ہائیکورٹ نے حکم دیا کہ کسی بھی خفیہ ایف آئی آر میں گرفتاری سے قبل عدالت کو آگاہ کریں گے ،ایمان مزاری کی مقدمات تفصیلات فراہمی اور حفاظتی ضمانت درخواست پر سماعت ہوئی،ایڈیشنل اٹارنی جنرل منور اقبال دوگل نے عدالت میں کہا کہ ہم نے صوبوں کو گزشتہ سماعت کے بعد لکھ دیا تھا ، مقدمات کی تفصیلات فراہمی کے لیے صوبوں کو فیکس اور واٹس ایپ بھی کر دیا پٹشنر کو ایسے بیانات نہیں دینے چاہییں ، عدالت نے ریمارکس دیتے ہوئے کہا کہ کیس نمٹا رہے ہیں کوئی ایف آئی آر ہو تو آپ عدالت کو آگاہ کریں گے ، عدالت نے ہدایات کے ساتھ درخواست نمٹا دی

واضح رہے کہ ایمان مزاری کو ایک اور مقدمہ میں جیل کے باہر سے گرفتارکیا گیا،ایمان مزاری کو اڈیالہ جیل سے رہا کیا گیا تھا، جس کے بعد اسلام آباد پولیس نے حراست میں لے لیا تھا، ایمان مزاری نے ضمانت کی درخواست عدالت میں دائر کی تھی جس پر عدالت نے ایمان مزاری کو رہا کرنے کا حکم دیا تھا ایمان مزاری کو دو روز قبل رہا کیا جا چکا ہے،عدالت نے تحریری فیصلے میں کہا کہ ایس ایس پی آپریشنز کے مطابق اسلام آباد میں ایمان مزاری کے خلاف تین مقدمے درج ہیں ، اسلام آباد پولیس کے مطابق ایمان مزاری اسلام آباد کے دو مقدمات میں ضمانت پر ہے ،پٹشنر کی والدہ نے کہا تیسرے مقدمے میں ضمانت کی صورت میں پھر گرفتاری کا خدشہ ہے ، عدالت سے 16 مئی والے فواد چوہدری کیس کا آرڈر کرنے کی استدعا کی گئی۔ جسٹس میاں گل حسن اورنگزیب نے دو صفحات پر مشتمل تحریری حکم جاری کیا

ریاست کو للکارنے والے علی وزیر،محسن داوڑ کی رکنیت ختم کی جائے، اسمبلی میں مطالبہ

محسن داوڑ اور علی وزیر کا سی ٹی ڈی نے ریمانڈ مانگا تو عدالت نے بڑا حکم دے دیا

پی ٹی ایم کے رہنما علی وزیر پر غداری کا مقدمہ بنایا جائے،ٹویٹر پر ٹاپ ٹرینڈ

ایک بیان کی بنیاد پر کیسے کسی کو نااہل کر دیں؟ علی وزیر نااہلی کیس میں الیکشن کمیشن کے ریمارکس