پاک فوج کے جوانوں سے یکجہتی، وزیراعظم اور آرمی چیف کا کنٹرول لائن کا دورہ شہداء کے خاندانوں سے ملاقاتیں

راولپنڈی: یوم دفاع کے موقع پر پاک فوج کے جوانوں اور افسروں سے یکجہتی کیلئے وزیراعظم عمران خان اور آرمی چیف جنرل قمر جاوید باجوہ لائن آف کنٹرول پہنچے جہاں انہوں نے شہدا کے لواحقین سے بھی ملاقات کی۔

پاک فوج کے شعبہ تعلقات عامہ (آئی ایس پی آر) کے مطابق وزیراعظم عمران خان اور آرمی چیف جنرل قمر جاوید باجوہ کنٹرول لائن پہنچ گئے ہیں جہاں انہوں نے قوم کیلئے جانیں قربان کرنیوالوں کے لواحقین سے ملاقات کی۔

PM visited LOC on Defence & Martyrs Day declared as Kashmir Solidarity Day. “Indian deliberate targeting of unarmed civilians in AJ&K and continued siege of innocent Kashmiris in IOJ&K are worst examples of the human rights violations”, PM. (1of2). pic.twitter.com/py0wY70t0S

— DG ISPR (@OfficialDGISPR) September 6, 2019

آئی ایس پی آر کے مطابق وزیراعظم اور آرمی چیف نے اگلے مورچوں پر موجود جوانوں کے جذبوں کو بھی سراہا۔ وزیر خارجہ شاہ محمود قریشی اور وزیر دفاع پرویز خٹک کے ساتھ ساتھ چیئرمین کشمیر کمیٹی بھی ان کے ہمراہ تھے۔

اس موقع پر اپنے خطاب میں وزیراعظم عمران خان کا کہنا تھا کہ پاکستان کشمیریوں کے حق خودارادیت کے مطالبہ پر پرعزم انداز میں کھڑا ہے۔ بھارت کی جانب سے نہتے کشمیریوں کو نشانہ بنانا اور ان کا محاصرہ انسانی حقوق کی سنگین خلاف وزری ہے