اسلام آباد:وزیراعظم کی ہدایت پر سندھ اور بلوچستان کے بے روزگار نوجوانوں کو بھرتی کرنے کا حکم ، وفاقی حکومت نے بلوچستان اور سندھ کے کوٹے پر خالی تمام آسامیاں پر کرنے کا فیصلہ کیا ہے۔
اسلام آباد سے ذرائع کےمطابق سٹیبلشمنٹ ڈویژن کی جانب سے تمام وزارتوں اور ڈویژنوں کو خالی آسامیاں پر کرنے کے احکامات جاری کر دئیے گئے ہیں۔ تمام وزارتوں کو ہدایت کی گئی ہے کہ سندھ اور بلوچستان کے لیے مخصوص نشستوں پر بھرتیوں کا عمل تیز کیا جائے اور وزارتوں کے ذیلی اداروں میں صوبائی کوٹے پر بھرتیوں کے عمل کو یقینی بنایا جائے۔
ذرائع کےمطابق سٹیبلشمنٹ ڈویژن نے ہدایت کی ہے کہ ریکروٹمنٹ رولز کے تحت مروجہ طریقہ کار کے مطابق سندھ اور بلوچستان کے کوٹے کی خالی آسامیاں پر کی جائیں اور اس بات کا بھی جائزہ لیا جائے کہ حکومتی گائیڈ لائنز کے مطابق کوٹے پر عمل درآمد کیا جا رہا ہے یا نہیں؟
