کاروباری افراد ویزا آسانی سے حاصل کرسکیں گے،نگران وزیراعظم
![anwar kakar n pm](https://baaghitv.com/wp-content/uploads/2023/08/anwar-kakar-n-pm.png)
اسلام آباد:نگران وزیراعظم انوارالحق کاکڑ نے کہا ہے کہ آج ایپکس کمیٹی میں اہم فیصلے لئے گئے ہیں، ایس آئی ایف سی کے پلیٹ فارم پر نئی ویزہ پالیسی پر غور کیا گیا ہے۔
باغی ٹی وی: نگران وزیراعظم انوار الحق کاکڑ نے کہا ہے کہ خصوصی سرمایہ کاری سہولت کونسل نے اوپن پاکستان کے حوالے سے نئی ویزا رجیم کا فیصلہ کیا ہے کاروباری افراد یا سرمایہ کار بیرون ملک سے بین الاقوامی کاروباری اداروں کی دستاویز پر پاکستان کا ویزا آسانی سے حاصل کرسکیں گے۔
نگران وزیراعظم انوار الحق کاکڑ نے خصوصی سرمایہ کاری سہولت کونسل کی اپیکس کمیٹی کے پانچویں اجلاس کے حوالے سے گفتگو کرتے ہوئے کہا کہ خصوصی سرمایہ کاری سہولت کونسل کےپلیٹ فارم سےآج اوپن پاکستان کےحوالےسے نئی ویزا رجیم کے متعلق انتہائی اہم فیصلے لیے گئے ہیں جس کے تحت کاروباری افراد اور کاروبار سے منسلک بیرون ملک مقیم لوگ اگر پاکستان آنا چاہیں تو ان ممالک یا بین الاقوامی کاروباری اداروں کی جانب سے جاری ایک دستاویز پر ان کو آسانی سے پاکستان کے تمام مشنز ویزا کا اجرا کریں گے۔
محمد بن سلمان نے انڈیا-سعودی اکنامک کوریڈور کا اعلان کردیا
وزیراعظم نے کہا کہ اس کے ساتھ ساتھ ہمارے تمام چیمبرز اور کاروباری افراد پاکستان سے باہر کسی فرد کو ایسی دستاویز جاری کریں گےاس کی بنیاد پراس فرد کو ویزا کے اجراء میں آسانیاں ہوں گی افراد کے ساتھ ساتھ درمیانے اور بڑے کاروباری اداروں سے منسلک افراد کو بھی یہ آسان ویزا رجیم کی سہولیات میسر ہوں گی پاکستان کاروبار اور معیشت کے ایک نئے دور میں داخل ہونے جارہا ہے۔