محمد بن سلمان نے انڈیا-سعودی اکنامک کوریڈور کا اعلان کردیا

ریاض: سعودی ولی عہد شہزادہ محمد بن سلمان نے بھارت، مشرق وسطیٰ اور یورپ کے درمیان نئی اقتصادی راہداری کی تعمیر کے لیے ایم او یو پر دستخط کیے ہیں۔

باغی ٹی وی : سعودی عرب کے سرکاری میڈیا نے ایم او یو کا حوالہ دیتے ہوئے بتایا کہ بھارت، مشرق وسطیٰ اور یورپ کے درمیان اقتصادی راہداری میں بجلی اور ہائیڈروجن کی پائپ لائنیں شامل ہوں گی۔

ولی عہد نے ہفتے کے روز بھارت کے دارالحکومت نئی دہلی میں منعقدہ جی 20 سربراہ اجلاس سے خطاب کرتے ہوئے کہا کہ اس اقتصادی راہداری سے تینوں خطوں کے درمیان باہمی تجارت میں اضافہ ہوگا اور اس سے بین الاقوامی توانائی کی سلامتی میں مدد ملے گی، اس منصوبے کا مقصد معاشی باہمی انحصار کو مضبوط بنا کر ممالک کے مشترکہ مفادات کو حاصل کرنا ہے-

جی 20 سربراہی اجلاس کا آغاز،مودی نے کیا پہلا خطاب

انہوں نے کہا کہ یہ بنیادی ڈھانچے کی ترقی اور بحالی میں تعاون کرے گا جس میں ریلوے، اور بندرگاہیں بھی شامل ہیں اور سامان اور خدمات کے تبادلے کو بڑھانے میں بھی مدد ملے گی یہ منصوبہ شریک ممالک کے درمیان تجارتی تبادلے میں اضافہ کرے گا اور توانائی کے تحفظ کو یقینی بنانے کے لیے ہائیڈروجن سمیت توانائی کی سپلائیز کی درآمد کو فروغ دے گا۔

جی 20 سربراہی اجلاس،رکشے میں بارودی مواد کی اطلاع پر پولیس کی دوڑیں

واضح رہے کہ بھارت کو گزشتہ برس یکم دسمبر کو جی 20 کی صدارت ملی تھی، نئی دہلی میں نو دس ستمبر کو منعقد ہونے والا 18 ویں جی 20 سربراہی اجلاس سال بھر میں منعقد ہونے والے تمام G20 عمل اور میٹنگوں کا اختتام ہوگا ،اجلاس کے اختتام پر مشترکہ اعلامیہ بھی جاری کیا جائے گا-

سعودی ولی عہد،جی 20 اجلاس کے فوری بعد واپس نہیں جائیں گے