کوئٹہ میں سریاب روڈپردستی بم کے حملے میں دو افراد زخمی ہوگئے۔
باغی ٹی وی: سریاب روڈ پر ڈیوٹی سرانجام دینے والے پولیس اہلکاروں پر موٹر سائیکل سواروں نے دستی بم سے حملہ کیا تاہم اس دوران دو راہ گیر زدمیں آکر زخمی ہوگئے آج صبح سریاب روڈ پر پولیس اہلکار ضلعی انتظامیہ کی جانب سے سیل کردہ گودام پر ڈیوٹی سرانجام دے رہے تھے کہ نامعلوم موٹرسائیکل سوار ملزمان نے ان پر دستی بم پھینکا جو قریب ہی گر کر زوردار دھماکے سے پھٹا اور وہاں سے گزرنے والے دو راہگیر نیاز اللہ اور کریم نواز زخمی ہوگئے۔
میدانی علاقوں میں موسم گرم رہنے کا امکان
زخمیوں کو فوری طور پر سول اسپتال منتقل کردیا گیا جہاں انہیں طبی امداد فراہم کی گئی حملے میں پولیس اہلکار معجزانہ طور پر محفوظ رہے کارروائی کے بعد نامعلوم مسلح ملزمان فرار ہونے میں کامیاب ہوگئےواقعہ کی اطلاع ملتے ہی پولیس کی بھاری نفری نے موقع پر پہنچ کرعلاقے کی ناکہ بندی کرتے ہوئے حملہ آوروں کی تلاش شروع کردی ۔
