میدانی علاقوں میں موسم گرم رہنے کا امکان

محکمہ موسمیات نے خطہ پوٹھوہار اورشما ل مشرقی پنجاب میں بارش کی پیشگوئی کی ہے۔

باغی ٹی وی: محکمہ موسمیات کے مطابق اسلام آباد میں چند مقا مات پر تیز ہواؤں اور گرج چمک کے ساتھ بارش کا امکان ظاہر کیا گیا ہے کشمیر اور ملحقہ پہاڑی علاقوں میں تیز بارش کا امکان ہے جبکہ مری، گلیات، راولپنڈی، نارووال، سیالکوٹ، لاہوراور گوجرانوالہ میں بارش کی پیشگوئی کی گئی ہےگجرات اور گردونواح میں چند مقا مات پرتیز ہواؤں کے ساتھ بارش متوقع ہے جبکہ ملک کے مختلف میدانی علاقوں میں موسم گرم رہنے کا امکان ظاہر کیا گیا ہے۔

دوسری جانب لیبیا میں بحیرہ روم سے آنے والے سمندری طوفان کے نتیجے میں کم از کم دو ہزار افراد جاں بحق اور ہزاروں لاپتہ ہوگئے ہیں لیبیا کے وزیر داخلہ عصام ابوزریبہ کے مطابق ملک کے شمال مشرقی ساحلی علاقوں سے ٹکرانے والے ڈنیال سمندری طوفان نے بڑی تباہی مچادی۔

کریک ڈاؤن:کوئٹہ اورلاہورمیں چینی مزید سستی

عصام ابوزریبہ کے مطابق طوفان سے پیدا ہونے والی سیلابی صورت حال سےہلاکتوں کی تعداد دو ہزار سے تجاوز کرگئی ہےجبکہ ہزاروں دیگر افراد سیلابی ریلوں میں بہہ کرسمندرمیں لاپتہ ہوگئےجن کےبارے میں سمندری پانی میں ڈب جانےکا خدشہ ظاہر کیا جا رہا ہے سمندری طوفان کی تباہ کاریوں کے باعث حکومت نے بین الاقوامی اور مقامی ایجنسیوں سے فوری امداد کی اپیل کی ہے سمندری طوفان کے باعث لیبیا کے شمال مشرقی ساحلی علاقوں میں کرفیو نافذ کردیا گیا ہے اور ساتھ ہی تعلیمی اداروں میں سرگرمیاں غیر معینہ مدت کے لیے معطل کردی گئی ہیں۔

اردو کے ممتاز پاکستانی شاعر صابر ظفر