معروف اداکارہ میرا نے اپنے حالیہ انٹرویو میں سوشل میڈیا سٹارز کو نصیحت کرتے ہوئے کہا ہےکہ وہ لوگ خوابوں کی دنیا سے باہر نکلیں اور عملی طور پر کام کرکے دکھائیں. انہوں نے کہا کہ باتیں کرنا بہت آسان ہے لیکن کام کرنا بہت مشکل ہے اور خصوصی طور پر کام کرکے نام بنانا آسان نہیں ہوتا. انہوں نے کہا کہ جو لوگ دوسروں کے خلاف سازشیں کرتے رہتے ہیں وہ کام میں بہت پیچھے رہ جاتے ہیں.میرا نے ایک سوال کے جواب میں کہا کہ میں الزام تراشی پر یقین نہیں رکھتی صرف پرفارمنس سے جواب دیتی ہوں۔زبان کے ساتھ ساتھ آ پ کا کام بھی بولنا چاہیے تاکہ لوگوں کو نظر آئے۔
اداکارہ نے مزید کہا کہ ” بہت سارے لوگوں کی ناکامی کی وجہ یہ ہے کہ وہ دوسروں کی خامیاں تلاش میں کرنے میں اپنی تمام توانائی صرف کر دیتے ہیں اگر یہی توانائی وہ اپنی پرفارمنس بہتر کرنے میں لگائیں تو انڈسٹری میں اچھا مقام حاصل کر سکتے ہیں”۔انہوں نے کہا کہ میرے پاس اس وقت بہت ساری آفرز ہیں میں ان پر غور کررہی ہوں کوئی سکرپٹ اگر پسند آ گیا تو میں یقینا بہت جلد مداحوں کو بڑی سکرین پر نظر آئوں گی.
