ضمانت پر رہا اسٹریٹ کرمنل گرفتار

کراچی میں سرسید پولیس نے کارروائی کرتے ہوئے ضمانت پر رہا اسٹریٹ کرمنل کو گرفتار کرلیا، پولیس کے مطابق گرفتار ملزم کا نام اویس ہے۔ ملزم سے اسلحہ، رقم اور مسروقہ موٹرسائیکل برآمد ہوئی جبکہ پولیس کے مطابق گرفتار ملزم کے چار ساتھی ہارون، علی حیدر، جواد اور بلال مفرور ہیں۔

مفرور ملزمان کے حوالے سے پولیس کا کہنا ہے کہ اویس کے ساتھیوں کی گرفتاری کیلئے کارروائی جاری ہے، پولیس نے یہ بھی بتایا کہ گرفتار ملزم ایک ہفتہ قبل ہی ضمانت پر جیل سے باہر آیا تھا۔
مزید یہ بھی پڑھیں؛
محسن نقوی 5 روزہ دورہ؛ چین کے صوبہ ننشیا پہنچ گئے

حلقہ بندی کمیٹیوں ہر صورت 26 ستمبر تک کام مکمل کرنے کی ہدایت
سانحہ بلدیہ ٹاؤن:طلبی کے باوجودعدالت سیکرٹری داخلہ اور آئی جی کے پیش نہ ہونے پر برہم
پیٹرول کی بڑھتی قیمتوں پر فنکاروں کا رد عمل
اسلام آباد پولیس اور غیر ملکی شہریوں کے درمیان جھگڑا؟
جبکہ دوسری جانب کراچی کے علاقے گلشن سکندر آباد سے پانچ بچوں کی ماں کے مبینہ اغواء ہونے کے معاملے میں آج نیوز پر خبر نشر ہونے کے بعد کیس میں اہم پیش رفت سامنے آگئی، مبینہ اغوا ہونے والی شبانہ کا دو ماہ بعد اپنے شوہر سے رابطہ ہوا ہے، شوہر نے کہا کہ پولیس کارروائی سے گریز کر رہی ہے۔

جبکہ خاتون کے شوہر کا کہنا ہے کہ شابانہ کو کسی جنگل میں رکھا ہے اُس کی جان خطرہ میں ہے، تفتیشی افسرسہیل کا کہنا ہے کہ جس نمبر سے کال آئی اس کی لوکیشن رحیم یارخان کی ہے۔ شوہر نے کہا کہ پولیس کو رابطے کی اطلاع دینے کے باوجود کارروائی نہیں کی گئی ہے۔