مظفرگڑھ میں پولیس نے کاروائی کرتے ہوئے کم عمر نوجوانوں پر مشتمل 5 رکنی ڈکیت گینگ کو گرفتار کرلیا۔ملزمان سے لاکھوں روپے نقدی،ڈکیتی کی وارداتوں میں چھینی گئی موٹر سائیکلیں اور جدید اسلحہ بھی برآمد کرلیاگیا.ڈسٹرکٹ پولیس آفیسر مظفرگڑھ صادق علی ڈوگر نے اپنے دفتر میں پریس کانفرنس کرتے ہوئے کہاکہ کم عمر نوجوانوں پر مشتمل 5 رکنی ڈکیت گینگ کو سرغنہ سمیت سنانواں سے گرفتار کیاگیا.ڈی پی او صادق علی ڈوگر کیمطابق گرفتار ڈاکو شہریوں سے اسلحہ کے زور پر موٹر سائیکل اور رقم چھیننے کی 14 سے زائد وارداتوں میں ملوث ہیں.ڈاکوؤں سے لاکھوں روپے نقدی،شہریوں سےچھینی گئی موٹر سائیکلیں اور جدید اسلحہ بھی برآمد کرلیا گیا.ڈی پی او مظفرگڑھ کا کہنا تھا کہ شیرازی ڈکیت گینگ نے ڈکیتی کی وارداتوں کے دوران مزاحمت پر کئی شہریوں کو زخمی بھی کیا.
