یو اے ای نے پاکستانی تازہ گوشت کی سمندری راستے سے امپورٹ بند کردی
تازہ گوشت یا خوراک میں کوالٹی چیلنجز دنیا میں ہوتے ہیں
متحدہ عرب امارات نے پاکستانی تازہ گوشت کی سمندری راستے سے امپورٹ بند کردی۔
باغی ٹی وی : ذرائع کے مطابق کراچی کی ایک کمپنی کےکنٹینر سے مرغی کےگوشت میں فنگس پایا گیا تھا جس کے بعد متحدہ عرب امارات نے پاکستانی تازہ گوشت کی سمندری راستے سے امپورٹ بند کردی جس کا باقاعدہ حکم نامہ بھی جاری کیا گیا ہے یو اے ای حکام کے مطابق امپورٹ پابندی میں مرغی کا چلڈ گوشت بھی شامل ہے اور پابندی کا اطلاق 10 اکتوبر سے ہوگا۔
ایکسپورٹرز کا کہنا ہےکہ سمندری راستے سے ماہانہ پاکستانی گوشت کی ایکسپورٹ ایک کروڑ 20 لاکھ ڈالر تھی اور جہاز سے ایکسپورٹ کی لاگت زیادہ ہے لہٰذا پاکستانی حکومت یو اے ای سے معاملہ اٹھائے، تازہ گوشت یا خوراک میں کوالٹی چیلنجز دنیا میں ہوتے ہیں۔