صدر مملکت عارف علوی نے کینیڈا میں سکھ رہنما ہردیب سنگھ نجار کے قتل کی مذمت کی ہے، صدر عارف علوی نے دنیا سے سکھ رہنما کے بہیمانہ قتل کا سنجیدگی سے نوٹس لینے کی اپیل کرتے ہوئے کہا کہ دنیا بھارتی ریاستی سر پرستی میں قتل کا نوٹس لے۔
صدر مملکت ڈاکٹر عارف علوی کی سکھ رہنما کے قتل کی مذمت، دنیا سے بہیمانہ قتل کا سنجیدگی سے نوٹس لینے کی اپیل
صدر عارف علوی کی کینیڈا کے سکھ رہنما ہردیپ سنگھ نجر کے قتل میں بھارت کے ملوث ہونے کی شدید مذمت
— The President of Pakistan (@PresOfPakistan) September 21, 2023
جبکہ صدر مملکت نے کینیڈا میں سکھ رہنما کے قتل پر تشویش کا اظہار کرتے ہوئے کہا ہے کہبھارت میں باہر اقلیتی گروہوں کی قیادت پر ظلم کرنا اور اُنہیں ختم کرنا بھارت کی پالیسی رہی ہے انہوں نے مزید کہا کہ سکھ رہنما کے قتل نے بھارت کا اصل چہرہ بے نقاب کردیا، بھارت اقلیتوں کے خلاف عدم برداشت کا مظاہرہ کرتا آیا ہے، بھارت کئی دہائیوں سے مقبوضہ جموں و کشمیر کے مسلمانوں اور دیگر اقلیتی گروہوں کے خلاف دہشت گردی جاری رکھے ہوئے ہے۔
جبکہ صدر کا کہنا تھا کہ مقبوضہ جموں وکشمیر میں بھارتی مظالم، اقلیتوں پر ظلم و ستم اور ان کی عبادت گاہوں کو مسمار کرنے پر دنیا کی خاموشی اور بے عملی نے بھارت کو غیر ملکی سرزمین پر ایسی کارروائیوں کا حوصلہ دیا، یہ ایک کھلا راز ہے کہ بھارت ہمسایہ ممالک کی سرزمین کو پاکستان کے خلاف استعمال کرتا رہا ہے۔
مزید یہ بھی پڑھیں؛
امریکی ڈالر کی قدر میں کمی کا سلسلہ جاری
ٹول ٹیکس کیخلاف ڈرائیور ایک بار پھرسراپا احتجاج
پہلی بار پاکستانی خاتون خلا میں جائیں گی
عارف علوی نے مزید کہا کہ بھارت فالس فلیگ آپریشنز، پاکستان میں دہشت گردی کی کارروائیوں کے لیے عسکریت پسندوں کی تربیت، فنڈنگ اور مدد سے خطے میں مسائل اور عدم استحکام کا سب سے بڑا باعث ہے، افسوس کہ دنیا ایسی باتوں پر خاموش رہنے کا انتخاب کرتی ہے۔
