![rajveer and sunny deol](https://baaghitv.com/wp-content/uploads/2023/09/rajveer-and-sunny-deol.jpg)
سنی دیول ایک منجھے ہوئے اداکار ہیں ا ن کی حال ہی میں فلم غدر ٹو ہٹ ہوئی ہے ، اس کے بعد ایکبار پھر سنی دیول انڈسٹری پر چھا گئے ہیں، سنی دیول کے بیٹے راجویر بالی وڈ میں ڈیبیو کرنے جا رہے ہیں جس پر سنی دیول کافی خوش ہیں راجویر کی فلم ”دونوں“بہت جلد ریلیز ہونے جا رہی ہے۔ راجویر نے اپنے حالیہ انٹرویو میں کہا ہے کہ مجھے امید ہے کہ مجھے اور میری پہلی فلم کو پسند کیا جا ئیگا۔ انہوں نے کہا کہ ہمارا پورا خاندان سوشل میڈیا پر ایکٹیو نہیں ہے اس کے باوجود ان کو بہت زیادہ پیار ملتا ہے۔ میں مانتا ہوں کہ آج کے دور میں سوشل میڈیا پر ایکٹیو رہنا بہت ضروری ہے۔ میں جب کبھی اپنے دادا دھرمنیدر ، چچا بوبی دیول یا والد سنی دیول کے ساتھ کہیں باہر نکلتا ہوں تو جو پیار محبت لوگوں سے مل رہا ہوتا ہے میرا دل خوش ہوجاتا ہے۔
انہوں نے کہا کہ ”میں نے سنی دیول سے بہت کچھ سیکھا ہے” دراصل اپنی پوری فیملی سے ایکٹنگ کو لیکر بہت ساری چیزیں سیکھی ہیں جن کو میں اپنے کیرئیر کے دوران آزمائوں گا ۔انہوں نے کہا کہ میری فلم 5 اکتوبر کو ریلیز ہونے جا رہی ہے۔ یہ فلم شائقین کو ضرور پسند آئیگی۔