واشنگٹن: نیشنل سکیورٹی کونسل کے ترجمان جان کربی نے کہا ہے کہ پاکستان نے یوکرین کی مدد کی ہے تو اس پر پاکستان بات کرسکتا ہے۔
باغی ٹی وی:جان کربی نے کہا کہ دنیا بھر کے ممالک یوکرین کی مالی، اخلاقی اور ہتھیاروں کےحوالے سے مدد کر رہے ہیں، کئی ممالک یوکرین کی مدد کرنے پر عوامی توجہ نہیں چاہتے امریکا کا چیئرمین تحریک انصاف اور وائٹ ہاؤس کے باہر پاکستانیوں کےمظاہرے سےکوئی تعلق نہیں، چیئرمین تحریک انصاف کا معاملہ پاکستان کا داخلی معاملہ ہے،ان کےمعاملے پر پاکستانی حکومت ہی مؤقف دے سکتی ہے۔
دوسری جانب امریکی ترجمان کا کہنا ہے کہ امریکا خالصتان معاملے کو اظہار رائے کی آزادی کا معاملہ سمجھتا ہے امریکی محکمہ خارجہ کے نائب ترجمان ویدانت پٹیل نے کہا ہے کہ امریکا میں لوگوں کو اظہار رائے کی آزادی کا حق ہے، پہلی ترمیم کے تحت لوگوں کو پرامن طریقے سے جمع ہونے کا حق ہے ہم خالصتان کے غیر سرکاری ریفرنڈم پر تبصرہ نہیں کریں گے۔
فزکس کا نوبل انعام حاصل کرنے والے سائنسدانوں کے ناموں کا اعلان کر دیا گیا
ان کا کہنا تھا کہ وزیر اعظم ٹروڈو کے بھارت پر لگائے گئے الزامات پر گہری تشویش ہے اور کینیڈا میں سکھ رہنما کے قتل کی تحقیقات کا آگے بڑھنا انتہائی اہم ہے امریکا نے عوامی اور نجی طور پر ہندوستانی حکومت سے کینیڈا کی تحقیقات میں تعاون کرنے پر زور دیا ہے۔
پاکستان میں مقیم غیر قانونی افغان مہاجرین سے متعلق سوال پر جواب دیتے ہوئے امریکی محکمہ خارجہ کے ترجمان کا کہنا تھا کہ افغان مہاجرین کی آبادکاری پر پاکستان اہم شراکت دار رہا ہے۔
