آشیانہ ریفرنس،شہباز شریف کی بریت کی درخواست پر دلائل

احتساب عدالت لاہور ،سابق وزیراعظم شہباز شریف سمیت دیگر کے خلاف آشیانہ ریفرنس پر سماعت ہوئی

عدالت میں وکلاء نے شہباز شریف سمیت دیگر کی بریت کی درخواستوں پر دلائل دیئے،عدالت میں سابق ڈی جی ایل ڈی اے احد خان چیمہ پیش ہوئے،شہباز شریف کی جانب سے انکے نمائندے انوار حسین ایڈووکیٹ نے حاضری مکمل کروائی ،احتساب عدالت کے جج ملک علی ذوالقرنین اعوان نے سماعت کی،

وکیل امجد پرویز نے کہا کہ ایک نامعلوم شخص کی شکایت پر آشیانہ اقبال کی انکوائری شروع ہوئی۔قصے کہانیوں کی بنیاد پر ریفرنس بنایا گیا، سیاسی بنیادوں پر کیس بنایا گیا،جج نے امجد پرویز سے استفسار کیا کہ ریفرنس میں الزامات کیا کیا ہیں وہ پڑھ کر سنائے جائیں ؟وکیل امجد پرویز نے کہا کہ ریفرنس میں بتایا گیا کہ من پسند افراد کو میرٹ سے ہٹ کر ٹھیکے دیے گئے، احد چیمہ نے بطور ڈی جی ایل ڈی اے آشیانہ اقبال پروجیکٹ کی منظوری دی، پروجیکٹ پبلک پرائیویٹ پارٹنرشپ کے تحت شروع کیا گیا ،پروجیکٹ میں ترقیاتی کام سپارکو ڈویلپرز اور بسمہ اللہ انجینرنگ نے کیا،نیب تحقیقات کے دوران کرپشن کے شواہد نہیں ملے،

عدالت نے شہباز شریف سمیت دیگر کی بریت کی درخواستوں پر وکلا کو دلائل جاری رکھنے کی ہدایت کردی ،احتساب عدالت کے جج ملک علی ذوالقرنین اعوان نے ریفرنس پر سماعت کی ،عدالت نے سماعت 28 اکتوبر تک ملتوی کردی

واضح رہے کہ قومی احتساب بیورو (نیب) نے آشیانہ ہاؤسنگ اسکینڈل میں شہباز شریف کو بےگناہ قرار دے دیا تھا نیب نے شہباز شریف کی بریت کی درخواست پر جواب میں لاہور کی احتساب عدالت میں رپورٹ جمع کرا دی تھی رپورٹ کے مطابق آشیانہ ہاؤسنگ کے ٹھیکے دینے کے عمل میں بدعنوانی کے کوئی ثبوت نہیں ملے۔

شہباز شریف اور احد چیمہ سمیت دیگر نے ناکافی شواہد کی بنیاد ہر بریت کی درخواستیں دائر کر رکھیں ہیں، وکلاء ملزمان کا کہنا ہے کہ سیاسی انتقام کا نشانہ بننے کیلیے یہ ریفرنس بنایا گیا گواہان عدالت میں بیان دے چکے ہیں کہ شہباز شریف نے آشیانہ اقبال ہاوسنگ سکیم میں کسی قسم کی کوئی بے ضابطگی نہیں کی ہے. نیب سپلیمنٹری تفتیشی رپورٹ میں ملزمان کیخلاف کرپشن کے شواہد نہیں ملے

بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

بشریٰ بی بی کی قریبی دوست فرح نے خاموشی توڑ دی

نیب نے وزیر اعظم شہباز شریف کو آشیانہ ہاؤسنگ سکینڈل میں کلیئر قرار دیا ہے، نیب کی رپورٹ میں کہا گیا ہے کہ آشیانہ ہاؤسنگ میں شہبازشریف کے خلاف اختیارات کے ناجائز استعمال کے کوئی ثبوت نہیں ملے آشیانہ سکینڈل میں شہباز شریف کے خلاف بدنیتی کا کوئی پہلو بھی ثابت نہیں ہوتا ، آشیانہ ہاؤسنگ کے ٹھیکے دینے کے عمل میں بدعنوانی کے کوئی ثبوت نہیں ملے آشیانہ پراجیکٹ شروع کرتے وقت سرکاری خزانے کوکوئی نقصان نہیں پہنچا نہ ہی شہباز شریف نے کوئی فوائد حاصل کیے اور نہ ہی کسی پبلک آفس ہولڈر نے کسی قسم کا کوئی فائدہ لیا