ہر دلعزیز اداکارہ صبا قمر جنہوں نے لکس سٹائل ایوارڈز میںاپنے حسن کے جلوے بکھیرے، اداکارہ نے ریڈ کارپٹ پر تصاویر اور وڈیوز بنوائیں ، صبا وائٹ ڈریس میں نہایت ہی دلکش لگ رہی تھیں لیکن جب ان کی تصاویر سوشل میڈیا پرآئیں تو ان پر شدید تنقید کی گئی، تنقید ان کی بولڈ ڈریسنگ کی وجہ سے ہوئی . صبا قمر نے ان ایوارڈز میںاداکارہ ریما کو ٹربیوبیوٹ پیش کیا ، ریما خان نے صبا قمر کی جم کر تعریف کی اور کہا کہ جس طرح آسمان میںستاروں کے درمیان قمر ایک ہے اسی طرح سے فنکاروں میں صبا قمر ایک ہی ہے. صبا قمر اور ریما نے ایک ہی سٹیج پر ایک ساتھ رقص کیا. صبا قمر کے رقص کو تو بہت پذیرائی ملی،
لیکن ان کو ان کی ریڈ کارپٹ پر بولڈ ڈریسنگ کی وجہ سے شدید تنقید کا نشانہ بنایا گیا، سوشل میڈیا پر کہا گیا کہ صبا قمر کو سوچنا چاہیے کہ وہ کس ملک میں رہتی ہیں اور وہ کیا پہن کر آرٹسٹوں کی نمائندگی کررہی ہیں.تاہم صبا قمر نے سوشل میڈیا پر ہونے والی اس تنقید پر کسی قسم کا رد عمل نہیں دیا. یاد رہے کہ ”یہ پہلا موقع نہیں ہے اس سے پہلے بھی کئی ایوارڈز کی تقریبات میں پاکستانی ہیروئنز کو ان کی ڈرسینگ کی وجہ سے تنقید کا سامنا کرنا پڑا.”