![hasan and sunita marshal](https://baaghitv.com/wp-content/uploads/2023/10/hasan-and-sunita-marshal.jpg)
شوبز کی خوبصورت جوڑی حسن احمد اور سنیتا مارشل نے اپنے حالیہ انٹرویو میں کہا ہے کہ ڈرامہ سیریل بے بی باجی کے بعد سے ہمیں ابھی تک کسی نے ایک ساتھ سائن نہیں کیا.اگرہم ایک ڈرامے کے علاوہ ایک ساتھ کبھی دکھائی نہیں دئیے تو یہ سوال تو ڈرامہ بنانے والوں سے پوچھا جانا چاہیے. انہوں نے کہاکہ ہمیں ایک ساتھ جب بھی کوئی پراجیکٹ ملے گا اگر وہ اچھا ہوا تو ہم ضرور کریں گے. ایک سوال کے جواب میںحسن احمد نے کہا کہ میری اہلیہ کی شکل بالکل بھی ماہرہ خان کے ساتھ نہیں ملتی دونوںکے فیس کٹس اور فیچر بہت مختلف ہے، مجھے نہیں سمجھ آتی کہ لوگوں کو کیوں لگتا ہے کہ میری اہلیہ کی شکل ان کے ساتھ ملتی ہے.
”حسن احمد نے کہا کہ دونوں کی شناخت مختلف ہے”. جبکہ سنیتا مارشل نے کہا کہ مجھے بہت سارے لوگوں نے کہا ہے کہ میری شکل ماہرہ خان کے ساتھ ملتی ہے اور ایک بار تو ماہرہ خان نے بھی مجھے کہا کہ مجھے بہت سارے لوگ کہتے ہیں کہ تمہاری شکل سنتیا مارشل کے ساتھ ملتی ہے. انہوں نے کہا کہ میرے لئے یہ کمپلیمنٹ ضرور ہے لیکن یقینا ہم دونوں کی ایک الگ شناخت ہے. سنیتا اور حسن نے کہا کہ جو لوگ ہمیں لگے کہ اچھی بات نہیں کرتے ہم ان سے دوری اختیار کر لیتے ہیں.