ڈاکٹر نےعلاج بتا دیا:وزیراعظم معاشی ٹیم کےدو سودی ماہرین کو نکال دیں میعشت بہتر ہوجائےگی

اسلام آباد: وزیراعظم کو ایک اور مشورہ ، سابق وزیرتجارت ڈاکٹر محمد زبیر اور ماہر معاشیات ڈاکٹر اشفاق حسن خان نے کہا کہ وزیراعظم عمران خان کی ٹیم دو لوگ سود کے ماہر ہیں اگر انہیں ہٹا دیا جائے تو ملکی معیشت بہتر ہو سکتی ہے۔

نجی ٹی وی کے پروگرام ’بریکنگ پوائنٹ ود مالک‘ میں بات کرتے ہوئے سابق وزیرتجارت ڈاکٹر محمد زبیر نے کہا کہ گورنر اسٹیٹ بینک رضا باقر اور مشیر خزانہ حفیظ شیخ سودی کاروبار کے ماہر ہیں انہیں ملکی معیشت سے کوئی دلچسپی نہیں۔

ڈاکٹر محمد زبیر نے کہا کہ پاکستان میں شرح سود بڑھانے سے ہاٹ منی آئے گی لیکن جیسے ہی ہاٹ منی نکلی مقامی معیشت بیٹھ جائے گی۔آئی ایم ایف ایسا کیوں چاہتا ہے؟ کے جواب میں سابق وزیرتجارت نے کہا شرح سود بڑھانے کے باوجود ہاٹ منی نہیں آ رہی کیوں کہ حکومت نے اس کی ضمانت نہیں اٹھائی اور ہوسکتا ہے کہ شرح سود مزید بڑھائی جائے۔