![bushra imran](https://baaghitv.com/wp-content/uploads/2023/06/bushra-imran.png)
اسلام آباد ہائیکورٹ نے چیئرمین پی ٹی آئی کی وکلاء اور فیملی سے ملاقات کی درخواست نمٹا دی
جسٹس میاں گل حسن اورنگزیب اور جسٹس ارباب محمد طاہر نے کیس کی سماعت کی،وکیل شیر افضل مروت نے کہا کہ سپریٹنڈنٹ جیل نے چیئرمین پی ٹی آئی سے ملاقات کا نیا شیڈول بنایا ہے،سپریٹنڈنٹ جیل نے نئے شیڈول میں تھوڑا ریلیف دینے کی کوشش کی ہے، چیئرمین پی ٹی آئی کی مرضی سے ملاقات کیلئے کچھ لوگوں کے نام شامل اور نکالے گئے ہیں، ہمیں دس وکلاء کی چیئرمین پی ٹی آئی سے ملاقات کی اجازت دی گئی ہے،ہم نے ہفتے میں چھ دن ملاقات کا کہا تھا لیکن دو دن وکلاء اور ایک فیملی کو دیا گیا ہے،ہماری استدعا ہے کہ چیئرمین پی ٹی آئی کی اہلیہ سے ملاقات بھی دو دن کر دی جائے، چیئرمین پی ٹی آئی نے مجھ سے ملاقات میں ایک شکوہ کیا ہے، چیئرمین پی ٹی آئی کی اہلیہ سے ملاقات میں کوئی پرائیویسی نہیں دی جاتی،
جسٹس میاں گل حسن اورنگزیب نے کہا کہ یہ طریقے پرانے دور کے ہیں، بےنظیر بھٹو اور دیگر کے ساتھ ایسا کیا جاتا تھا،ایڈیشنل اٹارنی جنرل نے کہا کہ ملاقات کا پھر غلط استعمال نہ کیا جانا چاہئے،جسٹس میاں گل حسن اورنگزیب نے ایڈیشنل اٹارنی جنرل سے استفسار کیا کہ شوہر اور بیوی کا؟ جس پر ایڈیشنل اٹارنی جنرل منور اقبال دوگل نے کہا کہ میں وکلاء کی ملاقات سے متعلق کہہ رہا ہوں،جسٹس میاں گل حسن اورنگزیب نے کہا کہ آپ پھر کہہ رہے ہیں کہ وکالت ناموں پر دستخط نہ کروا لیں؟ ایڈیشنل اٹارنی جنرل نے کہا کہ جیل میں ملاقات کو باہر آ کر سیاسی طور پر استعمال نہ کیا جائے،عدالت نے ریمارکس دیتے ہوئے کہا کہ ملاقات بامقصد اور بامعنی ہونی چاہیئے جس میں لیگل ایڈوائس دی جائے،
اعظم خان نےعمران خان پرقیامت برپا کردی ،سارے راز اگل دیئے،خان کا بچنا مشکل
جیل اسی کو کہتے ہیں جہاں سہولیات نہیں ہوتیں،
چیئرمین پی ٹی آئی پر ایک مزید مقدمہ درج کر لیا گیا
نشہ آور اشیاء چیئرمین پی ٹی آئی اور اسٹیبلشمنٹ میں پہلی لڑائی کی وجہ بنی،