سپریم کورٹ میں پنجاب پولیس کانسٹیبل کی برطرفی کا کیس کی سماعت ہوئی
پنجاب پولیس کو اپنے ہی کانسٹیبل کی مخبری مہنگی پڑ گئی،عدالت نے کانسٹیبل محمد اسلم کی برطرفی کیلئے آئی جی پنجاب کی درخواست خارج کر دی،ایڈیشنل ایڈووکیٹ جنرل پنجاب نے عدالت میں کہا کہ کانسٹیبل محمد اسلم ایک خاتون کے ساتھ نازیبا حرکات میں ملوث پایا گیا، چیف جسٹس قاضی فائز عیسیٰ نے ریمارکس دیتے ہوئے کہا کہ خاتون تو کہتی ہے کہ کانسٹیبل اس کا شوہر ہے،یہ کام پنجاب پولیس کا ہی ہو سکتا ہے،ایڈیشنل ایڈوکیٹ جنرل پنجاب نے کہا کہ خاتون طوائف ہے اور پولیس نے مخبری پر کانسٹیبل کا پیچھا کر کے ریڈ کیا،چیف جسٹس قاضی فائز عیسیٰ نے استفسار کیا کہ کیا پنجاب پولیس کے مخبر اپنے ہی اہلکاروں کی مخبری کرتے ہیں کہ کون کہاں رات گزارتا ہے؟ جسٹس اطہرمن اللہ نے کہا کہ نجی گھر میں بغیر وارنٹ کے پولیس ریڈ کیسے کر سکتی ہے؟پولیس غیر قانونی ریڈ کر کے اپنے اختیار کا ناجائز استعمال کر رہی ہے،کیا پولیس کے غیر قانونی اقدام کی سپریم کورٹ توثیق کرے؟
چیف جسٹس قاضی فائز عیسیٰ نے ایڈیشنل ایڈوکیٹ جنرل سے استفسار کیا کہ آپ کے پیچھے کھڑے پولیس اہلکار کون ہیں؟ ایڈیشنل ایڈووکیٹ جنرل پنجاب نے کہا کہ یہ ایس پی انویسٹی گیشن بہاولنگر ہیں،چیف جسٹس قاضی فائز عیسی نے ایس پی انویسٹی گیشن بہاولنگر کی سرزنش کی اور کہا کہ کیا بہاولنگر میں آج کرائم ریٹ صفر ہے جو ایس پی خود اٹھ کر ایک معمولی کیس کیلئے سپریم کورٹ آگئے؟ ایس پی انویسٹی گیشن بہاولنگر کی اس کیس میں کیا ذاتی دلچسپی ہے؟ بہاولنگر اسلام آباد سے کتنی مسافت پر ہے؟ ایڈیشنل ایڈووکیٹ جنرل پنجاب نے کہا کہ بہاولنگر اسلام آباد سے 700 کلومیٹر دور ہے،چیف جسٹس قاضی فائز عیسیٰ نے استفسار کیا کہ کیا پولیس افسران اپنے ذاتی خرچ پر آئے ہیں یا سرکار سے ٹی اے ڈی اے لیں گے؟ ایڈیشنل ایڈووکیٹ جنرل نے کہا کہ پولیس افسران کے مطابق انہیں ہدایات ہیں کہ سپریم کورٹ عدالت نمبر ایک میں خود افسران پیش ہوں،چیف جسٹس قاضی فائز عیسیٰ نے ریمارکس دیتے ہوئے کہا کہ افسران تو ایسے آئے جیسے یہ اتنا بڑا کیس ہے کہ اس سے تو پاکستان کی دیواریں ہل جائیں گی،
چیف جسٹس پاکستان کی سربراہی میں تین رکنی بنچ نے کیس کی سماعت کی،لاہور ہائیکورٹ نے کانسٹیبل محمد اسلم کی برطرفی ختم کر دی تھی،آئی جی پنجاب کی جانب سے برطرفی کیلئے درخواست سپریم کورٹ میں دائر کی گئی تھی،سپریم کورٹ نے لاہور ہائیکورٹ کا فیصلہ برقرار رکھا
،میں ابھی فیض حمید کے صرف پاکستانی اثاثوں کی بات کر رہا ہوں
برج کھیل کب ایجاد ہوا، برج کھیلتے کیسے ہیں
کھیل سے امن کا پیغام دینے آئے ہیں.بھارتی ٹیم کے کپتان کی پریس کانفرنس
وادی طائف کی مسجد جو حضور اقدس نے خود بنائی، مسجد کے ساتھ کن اصحاب کی قبریں ہیں ؟
فیض حمید مبینہ طور پر نومئی کے حملوں میں ملوث ہیں
نجف حمید کے گھر چوری کی واردات
