نو مئی کے ہنگامے، فیض حمید بھی ملوث،فیصل واوڈا کا انکشاف

0
170
hameed and imran

تحریک انصاف کے چیئرمین عمران خان کی گرفتاری کے بعد پاکستان کے شہروں میں جلاؤ گھیراؤ، فوجی تنصیبات پر حملے کرنیوالوں کے گرد گھیرا تنگ کیا جا رہا ہے وہیں آج اس منصوبہ بندی میں ایک بڑا نام بھی سامنے آیا ہے، جنگ اخبار میں صحافی فخر درانی کی ایک رپورٹ شائع ہوئی جس میں کہا گیا ہے کہ فیض حمید مبینہ طور پر نومئی کے حملوں میں ملوث ہیں

اخبار میں شائع ہونیوالی رپورٹ کے مطابق نو مئی کی منصوبہ بندی کیسے کی گئی اور ان پر عملدرآمد کیسے ہوا اس حوالے سے قانون نافذ کرنے والے اداروں کے پاس ٹھوس شواہد موجود ہیں جن میں وائس نوٹس ، وائس کٹس اور ڈیجٹیل مراسلے و غیرہ بتائے جاتے ہیں ۔کس طرح پی ٹی آئی کی قیادت نے فوجی تنصیبات ، خصوصا ًجی ایچ کیو ، جناح ہاؤس اور دیگر سرکاری عمارتوں پر حملوں کی منصوبہ بندی کی اس بات کا دعوی ٰپی ٹی آئی کے ایک سابق رہنما فیصل واوڈ ا نے اپنے ایک ٹیلی فون پر خصوصی انٹرویو میں کیا ۔

فیصل واوڈا پی ٹی آئی دور حکومت میں وفاقی وزیر بھی رہے ۔انہوں نے یہ بھی دعویٰ کیا کہ جی ایچ کیو اور دیگر حساس فوجی تنصیبات کے علاوہ شر پسندوں نے آئی ایس آئی کے ہیڈ کوارٹر پر بھی حملے کی منصوبہ بندی کی تھی ۔ اس کی ہدایات تحریک انصاف کی دوسرے درجے کی قیادت جاری کررہی تھی ۔ تحریک انصاف کے کارکنوں کو ایک طے شدہ منصوبہ بندی کے تحت مشغل کیا گیا مثال کے طور پر پارٹی قیادت کوئی فیصلہ کرتی ہے تو اسے شاہ محمود قریشی یا اسد عمر کے ذریعہ کارکنوں تک پہنچایا جاتا ہے ۔منظر نامہ ارسلان کو بھیجا جاتا ہے پھر سو شل میڈیا کے ذریعہ اسے عام کردیا جاتا ہے

فیصل واوڈانے دعویٰ کیا کہ پی ٹی آئی کا ایک اہم کلیدی رہنما 9 مئی کی ہنگامہ آرائی میں ملوث ہے عمران خان کی حکومت میں شامل دو سابق وزراء پارٹی میں ان کی جگہ لینا چاہتے ہیں جنہوں نے سابق آرمی چیف جنرل (ر) قمر جاوید باوجوہ کو خفیہ رپورٹس بھیجی تھیں بعد ازاں عمران خان اور پوری کا بینہ کو اس سے آگاہ کیا گیا فیصل واوڈا نے یہ بھی دعویٰ کیا کہ انہوں نے ہی مذکورہ وزرا کو پوری کا بینہ کے سامنے افشاء کیا تھا۔ میرے چیخنے چلانے کی میڈیا نے بھی رپورٹنگ کی تھی ان کا یہ بھی دعویٰ ہے کہ عمران خان کے حلقوں میں تین ساتھیوں میں سے ایک خصوصی نوعیت کا بھی تھا جن کے مفادات تھے

فیصل واوڈا کہتے ہیں کہ انہوں نے عمران خان سے ملنے کے لیے جنرل باجوہ کو راضی کیا جو صدر عارف علوی سے ملنے پر آمادہ ہوگئے ایوان صدر میں ملاقات ہوئی لیکن صدر عارف علوی نے میری پیٹھ میں چھرا گھونپا اور جنرل باجوہ سے کہا کہ وہ مجھ سے نہ ملیں کیو نکہ ان کی پارٹی میں کوئی حیثیت نہیں ہے ایک سوال کے جواب میں فیصل واوڈ انے کہا کہ وہ عدلیہ کے کردار پر کوئی تبصرہ کرنا نہیں چاہتے ۔

فخر درانی کی رپورٹ کے مطابق ذرائع نے بتایا کہ عمران خان کے حلقے میں خصوصی اہمیت کے حامل جس شخصیت کا ذکر بدھ کی پر یس کانفرنس میں فیصل واوڈا نے کیا وہ سابق ڈائر یکٹر جنرل آئی ایس آئی لیفٹینٹ جنرل فیض حمید ہیں جنہیں 9 مئی کے حملوں میں مبینہ طورپر ملوث بتایا گیا ۔جب فیض حمید کے بھائی سے رابطہ کیا گیا کہ آیا سابق ڈی جی آئی ایس آئی فیصل واوڈ اکے الزامات پر کوئی تبصرہ کرنا چاہیں گے تو انہوں نے کہا کہ وہ اس بارے میں جنرل فیض حمید سے دریافت کرنے کے بعد آگاہ کریں گے لیکن اس کے بعد نجف حمید نے ان کی کال نہیں سنی

برج کھیل کب ایجاد ہوا، برج کھیلتے کیسے ہیں

عمران خان سے اختلاف رکھنے والوں کی موت؟

حضوراقدس پر کوڑا بھینکنے والی خاتون کا گھر مل گیا ،وادی طائف سے لائیو مناظر

برج فیڈریشن آف ایشیا اینڈ مڈل ایسٹ چیمپئن شپ مہمان کھلاڑی حویلی ریسٹورنٹ پہنچ گئے

کھیل سے امن کا پیغام دینے آئے ہیں.بھارتی ٹیم کے کپتان کی پریس کانفرنس

وادی طائف کی مسجد جو حضور اقدس نے خود بنائی، مسجد کے ساتھ کن اصحاب کی قبریں ہیں ؟

Leave a reply