غیرقانونی تارکین وطن کی افغانستان منتقلی سے متعلق7 نومبر کی رپورٹ جاری

ویزا مدت ختم ہونے پر کوئی پاکستانی سعودی عرب یا کسی اور ملک میں رہ سکتا ہے؟ عدالت
دوسری جانب غیر قانونی مقیم غیر ملکیوں کی بے دخلی سے متعلق سماجی کارکن شیما کرمانی سمیت دیگر نے سندھ ہائیکورٹ میں درخواست دائر کر دی،سندھ ہائیکورٹ نے درخواست پر وفاقی اور صوبائی حکومت کو نوٹس جاری کرنے سے انکار کرتے ہوئے ریمارکس دیئے اور کہا کہ غیر قانونی مقیم افراد کی بے دخلی رہاست کی پالیسی ہے، عدالت اس معاملے میں مداخلت نہیں کر سکتی، دوران سماعت سندھ ہائیکورٹ کے جسٹس نعمت اللہ پھلپوٹو نے ریمارکس دیتے ہوئے کہا کہ پہلے درخواست قابل سماعت ہونے پر دلائل دیے جائیں درخواست گزار حکومت کے اس فیصلے سے کیسے متاثر ہے؟درخواست گزار کے وکیل نے کہا یہ مفاد عامہ کا مسئلہ ہے،جسٹس امجد علی سہتو نے استفسار کیا کہ ریاست کی پالیسی اور فیصلے میں عدالت کیسے مداخلت کر سکتی ہے؟ جسٹس نعمت اللہ پھلپوٹو نے کہا ہم کسی بھی صورت ریاست کی پالیسی میں مداخلت نہیں کر سکتے،وکیل درخواست گزار نے کہا کہ افغان مہاجرین کو سننے کا حق نہیں دیا جا رہا انسانی حقوق کی خلاف ورزی ہورہی ہے، جس پر عدالت نے استفسار کیا کہ ویزا مدت ختم ہونے پر کوئی پاکستانی سعودی عرب یا کسی اور ملک میں رہ سکتا ہے؟ ویزا ختم ہونے کے بعد ایک دن بھی کسی ملک میں نہیں رہ سکتے