پی ٹی آئی چھ وزارتیں دینا چاہتی تھی، مجھے مائنس کرنے کا کہا گیا تھا،آصف زرداری

سابق صدر مملکت، پیپلز پارٹی کے شریک چیئرمین آصف زرداری نے کہا ہے کہ مجھےامیدہےالیکشن8فروری کو ہوں گے،

نجی ٹی وی جیو کو ایک انٹرویو میں آصف زرداری کا کہنا تھا کہ پی ٹی آئی حکومت نے ہمیں اتحاد کا کہا،پی ٹی آئی ہمیں 6وزارتیں دینا چاہتی تھی،مجھے ملک سے باہر جانے کاکہا گیا،مجھے مائنس کرنے کا کہا،کہا گیا باقی پیپلز پارٹی پی ٹی آئی سے اتحاد کر لے،آصف زرداری کا کہنا تھا کہ تحریک عدم اعتماد درست فیصلہ تھا ،چیئرمین پی ٹی آئی معیشت کے دشمن تھے ، عمران خان کی وجہ سے پاکستان دنیا میں تنہا ہوگیا تھا،چیئرمین پی ٹی آئی کو نا نکالتے تو وہ ایک فوجی کا سہارا لیتے ،الیکشن امید ہیں آٹھ فروری کو ہوں گے، اسی لئے ہم نکلے ہوئے ہیں، ملک بھر میں پروگرام کر رہے ہیں،ہمیں تحریک عدم اعتماد کے دنوں عمران نیازی کے میسنجر فیض نے پیغامات بھیجے کہ پی ٹی آئی کے ساتھ اتحاد کر لو اور 6 وزارتیں بھی لے لو۔

سابق صدر آصف زرداری کا کہنا تھا کہ شہباز شریف سے میں متاثر تھا،صبح6 بجے اٹھتا ہے، 8بجے تک کام کرتا ہے،اتحادی حکومت کا تجربہ کافی مشکل تھا، شہباز شریف کو کافی چیزیں کہیں جو نہیں مانیں، ملک کا نقصان ہوا،پرویز الہیٰ جیل میں ، بیٹا باہر بیٹھا ہے، بیٹے کو غیرت نہیں کہ واپس آ جائے، سیاست میری مجبوری ہے، ضرورت نہیں،سیاست ضرورت اس لئے ہے کہ بی بی،کارکنوں نے شہادت دی،ہم پر فرض ہے،بلاول ابھی تربیت یافتہ نہیں، کچھ وقت لگے گا،بلاول میرے سے زیادہ ٹیلنٹڈ ہے، لیکن تجربہ تجربہ ہے،آج کی نئی نسل کی اپنی سوچ ہے، انہیں سوچ کے اظہار کاحق ہے،محسن نقوی میرا بیٹا ہے، آج بھی کہتا ہوں،کوئی پارٹی 172 کی اکثریت حاصل نہیں کر سکے گی،میں نے کبھی انتقامی سیاست نہیں کی ، میرے دور میں ایک بھی سیاسی قیدی نہیں تھا ،پی ٹی آئی حکومت سے پاکستان کو نقصان تھا،چیئرمین پی ٹی آئی پاکستان اور دنیا میں تنہائی کا شکار ہوگیا تھا ،میرے خیال میں وہی معیشت کا دشمن ہے ، اس نے خانہ خراب کیا ،اسلام آباد کی بیوروکریسی پاکستان میں نہیں کسی اور ملک رہتی ہے ، صبح دفتر جاتے اور شام گالف کھیلتے ہیں ، انہیں صوبوں کے بنیادی حقوق کا علم نہیں ،پیپلز پارٹی اس الیکشن میں اچھا خاصہ سرپرائز دے گی، ایک ٹرپل پی (پاکستان پیپلز پارٹی) ہے اور ایک فور پی(پاکستان پیپلز پارٹی پارلیمینٹیرین) ہے۔ بلاول ٹرپل پی کا چیئرمین ہے اور میں فور پی کا-پارلیمنٹ کے ٹکٹ میں دونگا، بلاول کو بھی ٹکٹ میں ہی دونگا

 سول ایوی ایشن اتھارٹی (سی اے اے) مدد کیلئے سامنے آگئی

پی آئی اے کی نجکاری کے عمل کو جلد از جلد تکمیل تک پہنچانے کی ہدایت

پائلٹس کی ابتدائی 8 سے 10 ماہ کی تربیت پر 15000 سے 20000 ڈالر کا خرچ

پاکستان کی قومی ایئر لائن پی آئی اے کو مجموعی طور پر 383 بلین کا خسارہ ہے 

سپریم کورٹ نے پی آئی اے کو نئی 205 پروفیشنل بھرتیوں کی اجازت دیدی