اسلام آباد: پاکستان تحریک انصاف کے رہنما زلفی بخاری کا کہنا ہے کہ القادر ٹرسٹ کی زمین میں مجھے فرنٹ مین ظاہر کرنے کے لیے بابر اعوان کا نام نہیں لیا گیا-
باغی ٹی وی : اپنے ایک بیان میں پی ٹی آئی رہنما زلفی بخاری نے کہا کہ القادرٹرسٹ کیس بالکل واضح ہے، القادر ٹرسٹ ریفرنس بنانے والوں کو شرم آنی چاہئے، القادرٹرسٹ کی زمین پہلے میرے نام پر منتقل ہوئی، القادر ٹرسٹ بعد میں بنایا گیا، زمین میرے اور بابر اعوان کے نام پر منتقل ہوئی مجھے فرنٹ مین ظاہر کرنے کے لیے بابر اعوان کا نام نہیں لیا گیا، زمین منتقل ہونے کے 6 ماہ بعد کابینہ کا اجلاس ہوا تھا، 6 ماہ پہلے کیا کسی کو این سی اے کے فیصلے کا علم تھا؟-
سائفر کیس: عمران خان اور شاہ محمود قریشی کو 4 دسمبر کو نقول …
زلفی بخاری نے کہا کہ زمین ٹرسٹ کے نام منتقل ہوئی، جس پر یونیورسٹی بنی، چیئرمین پی ٹی آئی نے زمین سے کوئی فائدہ نہیں اٹھایا، زمین امانت کے طور پر میرے نام پر منتقل ہوئی تھی، ٹرسٹ بننے کے بعد زمین ٹرسٹ کے نام پر منتقل ہوگئی میں پلیٹ لیٹس کا بہانا بنا کر ملک سے نہیں بھاگا، الیکشن کی تاریخ کا اعلان ہونے کے بعد وطن واپس آؤں گا، اٹک سے الیکشن میں حصہ لوں گا، لطیف کھوسہ پی ٹی آئی کا حصہ نہیں ہیں، گوہر خان پی ٹی آئی کے پرانے رہنما ہیں، علیمہ خان کو چیئرمین پی ٹی آئی بنانے پر کبھی غور نہیں ہوا، ہمیشہ سے پی ٹی آئی اور پاک فوج ایک پیج پر ہیں، ہمیں پاک فوج کے خلاف کرنے کی سازش کی گئی، پی ٹی آئی تشدد کی سیاست پر یقین نہیں رکھتی۔
