نگران وزیر اعظم کی بل گیٹس سے ملاقات

دبئی: نگران وزیر اعظم انوار الحق کاکڑ نے دبئی میں COP-28 کے موقع پر بل اینڈ میلنڈا گیٹس فاؤنڈیشن کے شریک چیئرمین بل گیٹس سے ملاقات کی۔

باغی ٹی وی: تفصیلات کے مطابق وزیراعظم کاکڑ اور مسٹر گیٹس نے پاکستان سے پولیو کے خاتمے کی کوششوں میں پیشرفت پر تبادلہ خیال کیا،نگران وزیراعظم نے بل گیٹس کو پاکستان میں جاری پولیو ویکسی نیشن مہم سے آگاہ کیا اور کہا کہ پاکستان پولیو وائرس کے خاتمے کے لیے کوئی کسر اٹھا نہیں رکھے گا ،نگران وزیر اعظم نے پورے پاکستان میں بچوں تک ویکسین کی زیادہ سے زیادہ رسائی کے لیے حکومت کے مکمل عزم پر زور دیا۔

سائفر کیس: عمران خان اور شاہ محمود قریشی کو 4 دسمبر کو نقول …

نگران وزیر اعظم اور بل گیٹس نےبل اینڈ میلنڈا گیٹس فاؤنڈیشن کی طرف سے پاکستان کو مالی شمولیت، غربت کے خاتمے اور غذائی قلت کے حوالے سے تعاون پر بھی تبادلہ خیال کیا، گیٹس فاؤنڈیشن سے ملنے والے تعاون کو سراہتے ہوئے،نگران وزیر اعظم نے کہا کہ گیٹس فاؤنڈیشن پاکستان کے ساتھ مل کر تعلیم کے میدان میں قومی صلاحیتوں کو بڑھانے، ڈیزاسٹر مینجمنٹ کے لیے قبل از وقت وارننگ اور ہنگامی کارروائیوں کو مضبوط بنانے کے ساتھ ساتھ زرعی ویلیو چینز کو ڈیجیٹل کرنے کے کام کو آگے بڑھانے میں مدد کر سکتا ہے۔

نگران وزیراعظم کا پی سی بی کی سلیکشن کمیٹی میں متنازعہ تقرری کا نوٹس