سال 2023 تمام تر رعنائیاں اورآب و تاب کے ساتھ اختتام پذیر ہوگیا اور نئے سال 2024 کا آغاز ہوگیا۔
باغی ٹی وی : 2023 کئی یادیں چھوڑ کر رخصت ہوا ہے تو 2024 نئی امیدیں لیکر آیا ہے نئے سال شروع ہونے سے چند گھڑیاں قبل مساجد میں دعائیہ تقریبات کا انعقاد بھی کیا گیا 12 بجتے ہی سال نو کے آغاز کے ساتھ ملک بھر میں آتش بازی اور جشن کا سلسلہ شروع ہوگیا کراچی میں سال نو کا آغاز ہوائی فائرنگ اور پٹاخوں کے ساتھ ساتھ ہلے گلے سے ہوا،ملک بھر میں سال نو پر سکیورٹی کے خصوصی انتظامات کیے گئے ہیں۔ عوام کو غیر ضروری طور سفر سے گریز کرنے کی ہدایت کی گئی ہے۔
نگران وزیر اعظم انوار الحق کاکڑ نے فلسطینوں سے اظہار یکجہتی کیلئے سال نو کی تقریبات پر پابندی کا اعلان کیا تھا اور عوام سے اپیل کی تھی کہ نئے سال کا سادگی سے استقبال کریں جبکہ انتظامیہ کا کہنا ہے کہ ہوائی فائرنگ سے گریز کیا جائے ، اس سے کسی کی جان جاسکتی ہے ہوائی فائرنگ کرنے والوں کے خلاف مقدمات درج ہوں گے-
