سب کچھ برداشت کر سکتے ہیں،مگر کشمیرکاز پر کوتاہی نہیں،بلاول

پیپلز پارٹی کے چیئرمین بلاول زرداری نے کہا ہے کہ سب کچھ برداشت کر سکتے ہیں. کشمیر کاز پر کوئی کوتاہی برداشت نہیں کر سکتے .

باغی ٹی وی کی رپورٹ کے مطابق پاکستان پیپلز پارٹی چیئرمین بلاول زرداری نے ملک اسد سکندر سے انکی والدہ کے انتقال پر تعزیت کی ،اس موقع پر وزیراعلیٰ سندھ سید مراد علی شاہ چیئرمین پاکستان پیپلز پارٹی کے ساتھ تھے.

جامشورو میں میڈیا سے گفتگو کرتے ہوئے بلاول زرداری نے کہا کہ حکومت غیر جمہوری رویے اپنا رہی ہے،پی پی نظریاتی اصولوں کی پارٹی ہے، ہم سب کچھ برداشت کر سکتے ہیں. کشمیر کاز پر کوئی کوتاہی برداشت نہیں کر سکتے،

بلاول زرداری نے کہا کہ وزیراعظم نے ملک کی نیشنل سیکورٹی کی پوزیشن کو کمزور کیا، وزیراعظم جو بھی کہتے ہیں اس پر یوٹرن لیتے ہیں،

بلاول زرداری کا مزید کہنا تھا کہ مولانا فضل الرحمان احتجاج کے لئے اسلام آباد جا رہے ہیں، مولانا جب اسلام آباد میں ہوں گے میں پورا ملک گھوم رہا ہوں گا، ہمارابیانیہ ایک ہے. وزیراعظم کو گھر جانا ہو گا