![](https://baaghitv.com/wp-content/uploads/2024/02/psl-9-matches-1-jpg.webp)
پاکستان سپر لیگ میں ہمیشہ سے منفرد اور ٹرینڈ سیٹنگ اسٹائل سے کٹس اور اینتھم لانچ کرنے والی پشاور زلمی نے پی ایس ایل نو کے لیے خصوصی ٹریننگ کٹ لانچ کردی۔پاکستان سپر لیگ (پی ایس ایل) 9 کےلیے پشاور زلمی کی ٹریننگ کٹ کی منفرد انداز اور ٹیکنالوجی کے ذریعے رونمائی کردی گئی ہے۔پی ایس ایل فرنچائز پشاور زلمی کی جانب سے جاری اعلامیہ کے مطابق ٹریننگ کٹ کو کٹنگ ایج سی جی آئی ٹیکنالوجی کے ذریعے لانچ کیا گیا ہے جس کا محور زلمی کا ہوم گراؤنڈ ارباب نیاز اسٹیڈیم پشاور ہے۔پی ایس ایل فرنچائز کا کہنا ہے کہ پشاور زلمی اپنے ہوم گراؤنڈ ارباب نیاز میں اپنے جوشیلے فینز کے سامنے کھیلنے کےلیے بےتاب ہے۔
Presenting Our Official Training Jersey for #HBLPSL9 – the ultimate blend of sports and style ⚡️
𝐑𝐞𝐚𝐝𝐲 𝐓𝐨 𝐑𝐞𝐝𝐞𝐟𝐢𝐧𝐞 𝐘𝐨𝐮𝐫 𝐂𝐫𝐢𝐜𝐤𝐞𝐭 𝐒𝐭𝐲𝐥𝐞 ⁉️
Grab yours now 👇 https://t.co/dC0ultkhmw#Zalmi #YellowStorm pic.twitter.com/ccclNlDmrU
— Peshawar Zalmi (@PeshawarZalmi) February 4, 2024
پشاور زلمی کا کہنا ہے کہ پی ایس ایل 9 کی ٹریننگ کٹ کو ارباب نیاز اسٹیڈم کی پچ سے منسلک کرنے کا مقصد اپنے فینز کا آنیوالے سیزن کےلیے جوش بڑھانا ہے اور ساتھ ہی آنیوالے سیزنز میں اپنے ہوم گراؤنڈ اور ہوم کراؤڈ کے سامنے ان ایکشن ہونے کی خواہش کا اظہار بھی ہے۔اعلامیہ میں یہ بھی کہا گیا کہ پشاور زلمی خیبر پختونخواہ اور ہوم سٹی پشاور اور اس کی روایت سے جڑی ہوئی ہے اور ٹریننگ کٹ کا ارباب نیاز اسٹیڈیم جڑنا اسی جذبے کی عکاسی کرتا ہے۔اعلامیہ کے مطابق پشاور زلمی ماضی کی طرح ایک بار پھر اپنے تمام فینز اور خیبر پختونخواہ کے کلچر کے فروغ اور کرکٹ فینز کے جوش و خروش میں اضافے کا عزم لیے پی ایس ایل نو کی جانب گامزن ہے۔