خیبر پختونخوا کابینہ کل حلف اٹھائے گی

بانی پی ٹی آئی عمران خان کی جانب سے نام فائنل ہونے کے بعد خیبر پختونخوا کابینہ کل حلف اٹھائے گی ۔ حلف برداری کی تقریب کل ساڑھے 6بجے گورنر ہاوس میں ہوگی، حلف کے لئے کابینہ کے نامزد ارکان کو دعوت نامے بھیج دیے گئے،تقریب میں 120 سے زیادہ مہمانوں کی گنجائش ہوگی،حلف اٹھانے والوں میں ظاہر شاہ طورو ، عاقب اللہ ،مینا خان ، ارشد ایوب خان،شکیل خان،محمد سجاد ،فضل حکیم ،خلیق الرحمان ،فضل شکور ،بیرسٹر محمد علی سیف اور تیمور جھگڑا شامل ہیں ۔
واضح رہے کہ وزیراعلیٰ کے پی کے علی امین گنڈا پور نے بانی تحریک انصاف عمران خان سے ملاقات کی ، ملاقات میں خیبر پختونخوا کابینہ کی تشکیل کے حوالے سے تبادلہ خیال کیا گیا ۔ بانی تحریک انصاف نے مجموعی طور پرسات نام وزیراعلیٰ خیبر پختونخوا کودیئے ہیں جنہیں کابینہ میں شامل کیا جانا ہے ۔دیگر ناموں کا اختیار علی امین گنڈاپور کو دیا گیا ،بانی تحریک انصاف نے کابینہ کے لیے نام پشاور سمیت تمام صوبوں سے اہم ارکان کو شامل کرنے کی ہدایت کی ہے ۔

بانی تحریک انصاف نے سونامی بلین ٹری ، صحت ، تعلیم اور پولیس میں ریفارمز پر زور دیا ،چیئر مین تحریک انصاف نے سونامی بلین ٹری منصوبے کو فی الفور شروع کرنے کی ہدایت کی ہے ۔تحریک انصاف کے ذرائع کےمطابق سابق اسپیکر خیبرپختونخوا اسمبلی سینیئر وزیر ہوں گے ،ابتدائی طور پر دس وزراء تین مشیر اور تین معاون خصوصی کا اعلان کیا جائے گا .