لاہور: پنجاب حکومت نے رمضان المبارک پر قیدیوں کی سزا میں 90روز کی کمی کا نوٹیفکیشن جاری کر دیا ۔
باغی ٹی وی : نوٹیفکیشن کے مطابق جو قیدی پہلے سزا میں رعایت لے چکے انہیں مزید رعایت نہیں ملے گی،ریاست مخالف سرگرمیوں میں ملوث قیدیوں کو رعایت نہیں ملے گی،فرقہ واریت، منشیات اور زنا کے مقدمات میں ملوث قیدیوں کی سزا کم نہیں ہو گی، ڈکیتی اور اغوا میں ملوث قیدیوں کو بھی سزا میں رعایت حاصل نہیں ہو گی،بغاوت اور جاسوسی میں ملوث قیدیوں کی بھی سزا کم نہیں ہو گی۔تازہ ترین
دوسری جانب راولپنڈی میں اڈیالہ جیل میں 411 قیدیوں کی سزا میں 3 ماہ کی کمی کردی گئی، جیل انتظامیہ کے مطابق صدر مملکت نے 23 مارچ کے موقع پر قیدیوں کی سزا میں کمی کا اعلان کیا تھا،6 قیدیوں کو سزا میں کمی کے بعد جیل سے رہا کردیا گیا۔
رواں سال کا پہلا چاند گرہن کل ہو گا
جیل انتظامیہ کا کہنا ہےکہ پنجاب حکومت کی جانب سے بھی قیدیوں کی سزاؤں میں کمی کا نوٹیفکیشن جاری کیا گیا تھا، وزیراعلیٰ پنجاب کی ہدایت پر اڈیالہ جیل میں 52 قیدیوں کی سزائیں کم کی گئی ہیں، سزاؤں میں کمی کا فیصلہ رمضان المبارک اور عید الفطر کی مناسبت سےکیا گیا۔
