بیروت: ڈیل یا ڈھیل یا نئی جنگی حکمت عملی ، حزب اللہ کے جوابی حملوں پر اسرائیل نے دوبارہ حزب اللہ پر حملے نہ کرنے کا حلف اٹھا لیا۔
عالمی ذرائع ابلاغ کے مطابق حزب اللہ کی جانب سے اسرائیل پر حملوں کے بعد اسرائیل نے اپنے گھٹنے ٹیک دیے اور روس کو ثالث بناتے ہوئے شام کے ’’عقربا‘‘ میں حزب اللہ پر حملے نہ کرنے کا حلف اٹھایا۔
دوسری طرف خلاف توقع اسرائیل نے اقوام متحدہ کی قرارداد نمبر 1701 کی بھی مکمل پابندی کی یقین دہانی کرائی۔اسرائیل کا کہنا ہے کہ وہ وعدے کی پاسداری کرے گا
چند دن قبل اسرائیل کی طرف سے لبنانی فضائی حدود کی کھلی خلاف ورزی اور حزب اللہ لبنان کے مراکز کو نشانہ بنایا تھا جس پر حزب اللہ نے جوابی کارروائی کرتے ہوئے اسرائیلی بکتر بند گاڑی کو اینٹی ٹینک میزائل سے نشانہ بنایا جس میں اسرائیلی کمانڈر سمیت متعدد اسرائیلی فوجی ہلاک و زخمی ہوئے تھے۔
